بەگوێرەی چەند سەرچاوەیەك بۆ جەزیرە، شاندێكی بزوتنەوەی حەماس و شاندێكی قەوارەی زایۆنی داگیركەر سبەینێ دەگەنە قاهیرەی پایتەختی میسر بۆ ئەنجامدانی دانوستانی ناڕاستەوخۆ بۆ گەیشتن بە رێكەوتن.
لایخۆیەوە، ئاژانسی رۆیتەرز ئەمڕۆ لە دوو سەرچاوەی ئەمنی میسری گواستووەتەوە كە بڕیارە سبەینێ دانوستانی نێوان بزوتنەوەی حەماس و قەوارەی زایۆنی داگیركەر لە قاهیرە دەستپێبكاتەوە.
ئەو دووسەرچاوەیە زیاتر بۆ رۆیتەرز رایانگەیاندووە كە لایەنەكان لەسەر ماوەی ئاگربەستەكەو ئازادكردنی دیلەكان رێككەوتوون، و روونیشیانكردەوە كە تەواوكردنی رێككەوتنەكە پێویستی بە كشانەوەی هێزەكانی داگیركەری جوولەكەیە لە باكووری غەززەو گەڕانەوەی دانیشتوانەكەیەتی بۆ زێدی خۆیان.
