ھێزەکانی ئەمریکا و بەریتانیا، دوو ھێرشی ئاسمانییان کردە سەر پارێزگای حودەیدە ڕۆژئاوای یەمەن.
کەناڵی مەسیرە سەربە حووسییەکان بڵاوی کردەوە کە ھێزەکانی ئەمریکا و بەریتانیا، دوو ھێرشی ئاسمانییان کردووەتە سەر دوورگەی لبوان باکووری ڕۆژئاوای پارێزگای حودەیدە.
تا ئێستا زیانەکانی ئەو ھێرشانەی ئەمریکا و بەریتانیا بۆسەر پارێزگای حودەیدە، نەزاندراوە.
ھەروەھا تا ئێستا ھێزەکانی ئەمریکا و بەریتانیا، ھیچ ڕاگەیاندراوێکیان لەوبارەیەوە بڵاونەکردووەتەوە.
ماوەی چەند ڕۆژێکە ھێزەکانی ئەمریکا و بەریتانیا، ھێرشەکانیان بۆسەر پارێزگای حودەیدە چڕکردووەتەوە، ئەوەش لە وەڵامی ئەو ھێرشانەی کە لەلایەن حووسییەکانەوە دەکرێنە سەر کەشتییە بازرگانییەکان لە دەریای سوور.
