میدیاکانی ئیسرائیل بڵاویان کردەوە کە لە لوبنانەوە بە ئاراستەکردنی مووشەک ھێرش کراوەتە سەر ژمارەیەک ناوچەی باکووری ئیسرائیل.
کەناڵی 12ی ئیسرائیلی بڵاوی کردەوە، ژمارەیەک مووشەک کە لە لوبنانەوە ئاراستەکرابوون لە ژمارەیەک ناوچەی باکووری ئیسرائیل کەوتوونەتەخوارەوە.
ڕاشیگەیاندووە کە ھێرشەکە، ھیچ زیانێکی نەبووە.
پێشتر ئەوە ڕاگەیاندرابوو کە زەنگی ئاگادارکردنەوە لە ژمارەیەک ناوچەی سنووری ئیسرائیل لەگەڵ لوبنان لێدراون.
لای خۆیەوە سوپای ئیسرائیل ڕایگەیاندووە کە لە میانی 48 کاتژمێری ڕابردوودا، ژمارەیەک مووشەک لە باشووری لوبنانەوە ئاراستەی باکووری ئیسرائیل کراون.
