هـه‌واڵـه‌كـان وتــار بـه‌رنـامـه‌ درامـــا وه‌رزش ته‌كنه‌لۆجیا پـه‌یـوه‌نـدی ده‌ربــاره‌

حوسییەكان: دەتوانین گەرووی بابولمەندەب بە یەكجاری دابخەین

حوسیەكانی یەمەن هەڕەشەی داخستنی یەكجاریی گەرووی بابولمەندەب دەكەن و دەڵێن: رێگە بە هیچ كەشتییەكی ئیسرائیلی نادەن لە دەریای سور هاتووچۆ بكات.

ئاژانسی رۆیتەرز لە زاری حسێن عیزی یەكێك لە سەركردە دیارەكانی حوسیەكانی یەمەنەوە بڵاویكردۆتەوە، گەرووی بابولمەندەب كە تائێستا كراوەیە و دانەخراوە، نیشانەی ئەوەیە حوسیەكان لەگەڵ بەردەوامی جموجۆڵە بازرگانییە نێودەوڵەتییەكاندایە و نایەوێت كێشەی بۆ دروست بكات، ئەمەش سەرجەم تۆمەت و زانیارییە ناڕاستەكانی ئەمریكا و بەریتانیا ڕەتدەكاتەوە كە باس لەوە دەكەن حوسیەكان دەیانەوێت جموجۆڵی بازرگانی لە دریای سور پەكبخەن.

وتیشی، ئەوەندە هێز و توانامان هەیە كە بتوانین گەرووی بابولمەندەب بە یەكجاری دابخەین، بەڵام ئەو كارە ناكەین، بەڵام رێگە بە هیچ كەشتییەك نادەین بە دەریای سور و كەنداوی عەدەن و دەریای عەرەبدا هاتووچۆ بكات، ئەگەر بە هەر شێوەیەك پەیوەندییان بە هیچ لایەن و كەسایەتییەكی ئیسرائیلییەوە هەبێت.

. بابه‌تی هاوبه‌ش

نرخی دراوه‌كان

100 دۆلار
146,850 دینار
100 یۆرۆ
171.000 دینار
100 پاوه‌ند
195.500 دینار
100 لیره‌
6.000 دینار
100 تمه‌ن
3.250 دینار