هـه‌واڵـه‌كـان وتــار بـه‌رنـامـه‌ درامـــا وه‌رزش ته‌كنه‌لۆجیا پـه‌یـوه‌نـدی ده‌ربــاره‌

سه‌نته‌رى مافه‌كانى ئیسرائیل: پشتێنه‌ى ئه‌منى ئیسرائیلى له‌غه‌ززه‌ تاوانى جه‌نگه‌

سه‌نته‌رى مافه‌كانى ئیسرائیلى بڵاویكرده‌وه‌: پشتێنه‌ى ئه‌منى كه‌ته‌ل ئه‌بیب له‌كه‌رتى غه‌ززه‌ دایمه‌زراندوه‌ یه‌كێكه‌ له‌ تاوانه‌كانى جه‌نگ.

له‌راپۆرتێكدا، سه‌نته‌رى زانیارییه‌كانى ئیسرائیلى بۆ مافه‌كانى مرۆڤ له‌خاكه‌ داگیركراوه‌كانى فه‌له‌ستینى رایگه‌یاندوه‌: له‌ تشرینى دووه‌مى رابردوو ئیسرائیلى ده‌ستیكردوه‌ به‌ دروستكردنى پشتێنه‌ى ئه‌منى له‌نێو خاكى كه‌رتى غه‌ززه‌ دا، و راشگیه‌یاندوه‌: پشتێنه‌كه‌ له‌ خاڵى سه‌ربازى و رێكاره‌كانى چاودێرى پێكهاتووه‌ و رێگری له‌فه‌له‌ستینیه‌كان ده‌كرێت بچنه‌ نێو ئه‌و پشتێنه‌وه‌، به‌تایبه‌ت ئه‌وانه‌ى پێش رووداوه‌كانى 7ى ئۆكتۆبه‌ر له‌وێ نیشته‌جێبوون وكارى كشتوكاڵیان ده‌كرد.

سه‌نته‌ره‌كه‌ ئاماژه‌ى به‌وه‌شكردوه‌: له‌پێناو دروستكردنى ئه‌و پشتێنه‌یه‌ ئیسرائیل ته‌واوى باڵه‌خان وخانووى هاوڵاتیانى فه‌له‌ستینى رووخاندوه‌ له‌وانه‌ش قوتابخانه‌ وسه‌نته‌ره‌كانى پزیشكى ومزگه‌وت و زه‌وییه‌ كشتوكاڵیه‌كان.

به‌پێى راپۆرته‌كه‌، سه‌ربازانى یه‌ده‌گى زایۆنى ئه‌وه‌یان ئاشكراكردوه‌: ڕووخاندنه‌كان به‌پێى زانیارییه‌كانى هه‌واڵگرى به‌رێوه‌ناچێت، به‌ڵكو به‌ئامانجى چوڵكردن ودروستكردنى پشتێنه‌یه‌كى ئه‌منییه‌. به‌ڵام بیناكانى سه‌ر به‌ ئۆنروا و دامه‌زراوه‌كانى به‌خشین سه‌ر به‌یه‌كێتى ئه‌وروپا وه‌كۆ خزینه‌كانى ئاو ده‌مێننه‌وه‌.

تا ئێستا سوپاى زایۆنى هه‌زار و 72 بینایان رووخاندوه‌ له‌سه‌رجه‌مى 2 هه‌زار و 824 بیناى له‌سه‌ر سنورى یه‌ك كیلۆمه‌تر دا كه‌به‌شى هه‌ره‌ زۆریشیان بیناى نیشته‌جێبوونن. له‌خان یونس 704 بینا ڕووخێندراون كه‌ 70%ى بیناكان ڕووخێندراون. كه‌به‌پێى سه‌نته‌رى مافه‌كانى ئیسرائیلى دروستكردنى ئه‌م پشتێنه‌یه‌ له‌كه‌رتى غه‌ززه‌ یه‌كێكه‌ له‌تاوانه‌كانى جه‌نگ.

. بابه‌تی هاوبه‌ش

نرخی دراوه‌كان

100 دۆلار
146,850 دینار
100 یۆرۆ
171.000 دینار
100 پاوه‌ند
195.500 دینار
100 لیره‌
6.000 دینار
100 تمه‌ن
3.250 دینار