وەزارەتی دەرەوەی چین رایدەگەیەنێت، فەڵەستینیەكان مافی خۆیانە چەك هەڵگرن دژی ئیسرائیل لە بەرامبەر هێرشە بەردەوامەكانی ئەو وڵاتە
ما شینمین، راوێژكاری یاسای وەزارەتی دەرەوەی چین رایگەیاند، خەڵكی فەڵەستین مافی ئەوەیان هەیە هێز بەكاربهێنن بۆ بەرەنگاربوونەوەی ستەمی بیانی و بەدەستهێنانی مافەكانیان كە دامەزراندنی دەوڵەتی فەڵەستینە.
ئاماژەی بەوەشكردووە، بەرەنگاری فەڵەستینیەكان و حەماس كردەوەی تیۆرستی نین، بەڵكو خەباتی چەكدارین بەشێوەیەكی یاسایی و چەندین نەتەوە لە رێگەی بەرگریكردن و خەباتی چەكدارییەوە خۆیان لە داگیركەران رزگاركردووە.
دەشڵێت، پێویستە ئیسرائیل پێشێلكاری دژی یاسا نێودەوڵەتیەكان رابگرێت و سەرجەم چالاكییەكانی بۆ ئاوارەكردنی فەڵەستینیەكان رابگرێت كە ئەمانە دژی پەیماننامەی نێودەوڵەتین.
