میدیاکانی ئیسرائیل بڵاویان کردەوە کە لە لوبنانەوە 10 مووشەک ئاراستەی ناوچەی جەلیلی ڕۆژئاوا باکووری ئیسرائیل کراون.
ڕۆژنامەی یەدیعووت ئەحرەنوت بڵاویکردەوە کە لە لوبنانەوە بە ئاراستەکردنی 10 مووشەک، ھێرش کراوەتە سەر ناوچەی جەلیلی ڕۆژئاوا.
ئاماژەی بەوەشداوە کە بەپێی ئەوەی تیمەکانی فریاکەوتنی ئیسرائیل ڕایانگەیاندووە، ھێرشەکە ھیچ زیانێکی نەبووە.
پێشتر ماڵپەڕی "yent"ی ئیسرائیلی بڵاوی کردبوویەوە کە لە لوبنانەوە ژمارەیەک مووشەکی دژە تانک ئاراستەی باکووری ئیسرائیل کراون.
ڕاشیگەیاندبوو کە لە ئاکامی ھێرشەکەدا، زیانی ماددی بەر دوو خانوو و کارگەیەک کەوتووە، بەڵام زیانی گیانی نەبووە.
