ئاژانسی ھەواڵیی "سانا" سەربە ڕژێمی ئەسەد بڵاویکردەوە کە سوپای ئیسرائیل لە میانی ھێرشێکی ئاسمانیدا، باڵەخانەیەکی نیشتەجێبوونی لە دیمەشق پایتەختی سووریا بۆردومان کرد.
ئاژانسەکە ڕایگەیاندووە کە بەیانی ئەمڕۆ چوارشەممە، سوپای ئیسرائیل ھێرشێکی ئاسمانیی کردووەتە سەر ناوچەی کەفرسوسە سەربە دیمەشق و لە میانیدا، باڵەخانەیەکی نیشتەجێبوونی بۆردومان کردووە.
ئاژانسی ھەواڵیی "سانا"، وردەکاری زیاتری لەوبارەیەوە نەخستووەتەڕوو.
تا ئێستا سوپای ڕژێمی ئەسەد، ھیچ ڕاگەیاندراوێکی لەوبارەیەوە بڵاونەکردووەتەوە.
