لە کەرتی غەززە کە ڕووبەڕووی هێرشی سوپای ئیسرائیل بووەتەوە، دوو ڕۆژنامەنووسی دیکە شههیدبوون.
نووسینگەی ڕاگەیاندنی حکوومەت لە غەززە بڵاویکردەوە کە لە ئەنجامی هێرشەکانی سوپای ئیسرائیل بۆ سەر شارەکانی ڕەفەح و جەبالیا لە کەرتی غەززە، هەر یەک لە ڕۆژنامەنووسان عەلا حەسەن حمس و ئەنغام ئەحمەد عەدوان گیانیان لەدەستداوە.
ژمارەی ئەو ڕۆژنامەنووسانەی لە ٧ی تشرینی یەکەمی ٢٠٢٣ەوە تا ئێستا، لە هەرشەکانی ئیسرائیلدا لە کەرتی غەززە شههیدبوون، بەرزبووەوە بۆ ١٢٦ کەس.
لە ئاکامی ئەو هێرشانەی لە ٧ی تشرینی یەکەمی ٢٠٢٣ەوە تا ئێستا ئیسرائیل دەیکاتە سەر کەرتی غەززە، ٢٨ ھەزار و ٣٤٠ کەس شههیدبوون و ٦٧ هەزار و ٩٨٤ کەسیش برینداربوون.
