هـه‌واڵـه‌كـان وتــار بـه‌رنـامـه‌ درامـــا وه‌رزش ته‌كنه‌لۆجیا پـه‌یـوه‌نـدی ده‌ربــاره‌

بەغدا هەوڵەکانی بۆ کۆتاییھێنان بە ئەرکی ھاوپەیمانی نێودەوڵەتی چڕ کردووەتەوە

گوتەبێژی فەرماندەی گشتی ھێزە چەکدارەکانی عێراق، لیوا یەحیا ڕەسوڵ ڕایگەیاند، کۆبوونەوەکانی لیژنەی باڵای سەربازیی نێوان عێراق و ئەمریکا لەبارەی کۆتایی ھێنان بە ئەرکی ھاوپەیمانی نێودەوڵەتی دژبە داعش لە عیراق دەستیان پێ کردووەتەوە.

یەحیا ڕەسوڵ لە ڕاگەیاندراوێکدا ئاماژەی بەوەداوە کە دوێنێ یەکشەممە لە بەغدا، کۆبوونەوەی لیژنەی باڵای سەربازیی نێوان عێراق و ئەمریکا لەبارەی کۆتایی ھێنان بە ئەرکی ھاوپەیمانی نێودەوڵەتی دژبە داعش لە عیراق ئەنجامدراوە.

ڕاشیگەیاندووە کە کۆبوونەوەکانی لیژنەکە بەردەوام دەبن، ھەروەھا کارەکانی لیژنەکە بە زووترین کات تەواو دەکرێن.

باسی لەوەش کردووە لە کۆبوونەوەکاندا، خشتەیەک کۆتایی ھێنان بە ئەرکی ھێزەکانی ھاوپەیمانی نێودەوڵەتی دژبە داعش لە عێراق داندرێت و ھاتووە: " دوای کۆتایی ھێنان بە ئەرکی ھاوپەیمانی نێودەوڵەتی دژبە داعش لە عێراق، پەیوەندییەکانی عێراق لەگەڵ وڵاتانی ئەندام لە ھاوپەیمانی نێودەوڵەتی، دەچنە قۆناغی ھەماھەنگی ئەمنی دووقۆڵییەوە".

ئەمە دووەم کۆبوونەوی لیژنەی باڵای سەربازیی نێوان عێراق و ئەمریکایە کە لەبارەی کۆتایی ھێنان بە ئەرکی ھاوپەیمانی نێودەوڵەتی دژبە داعش لە عیراق ئەنجام بدرێت.

ڕۆژی ٢٧ی مانگی کانوونی دووەم، بەسەرپەرشتی سەرۆکوەزیرانی عێراق، محەمەد شیاع سوودانی یەکەم کۆبوونەوەی گفتوگۆی نێوان لیژنەی باڵای سەربازیی نێوان عێراق و ئەمریکا تایبەت بە کۆتایی ھێنان بە ئەرکی ھێزەکانی ھاوپەیمانی نێودەوڵەتی دژبە داعش لە عێراق، ئەنجامدرا.

. بابه‌تی هاوبه‌ش

نرخی دراوه‌كان

100 دۆلار
151.100 دینار
100 یۆرۆ
171.000 دینار
100 پاوه‌ند
195.500 دینار
100 لیره‌
6.000 دینار
100 تمه‌ن
3.250 دینار