هـه‌واڵـه‌كـان وتــار بـه‌رنـامـه‌ درامـــا وه‌رزش ته‌كنه‌لۆجیا پـه‌یـوه‌نـدی ده‌ربــاره‌

سەلەفییەکان و دەنگدان!

هەنگاوێکی گرنگ و گۆڕانکارییەکی نەوعییە کە باڵی سەرەکیی سەلەفییەت هەڵبژاردن و ئینتیخابات بەکارێکی شەرعیی دەزانن و بەئاشکرا بەڵگەی بۆ دەهێننەوە و تەئسیلی شەرعییبوونی دەکەن و هانی خەڵکی دەدەن دەنگ بدات. بەنهێنی و لە کۆبوونەوەی تایبەتدا ڕاشکاوانە قسە لەو بابەتە دەکەن و بەگرووپیش بەشدارن لە هەڵمەتەکانی هەڵبژاردندا، دیارە پاساوی جۆراوجۆریان هەیە و من نامەوێ لەو بارەوە هیچ بڵێم و هەڵسەنگاندن بکەم و ئەوە باسێکی قوڵترە...

دەمێنێتەوە دەنگ بەکێ بدرێت؟

بەهەموو پێوەرێکی شەرعیی لەلای هەموو مسوڵمانێکی شارەزا و پابەند بەئایینەوە ڕوونە کە دەبێت دەنگ بەخەڵکی ئەمین و بەهێز، زانا و پاک و پارێزکار بدرێت و کەسێک بێت پێش خەڵکی خوای گەورە بەچاودێری خۆی بزانێت.
بڕوا ناکەم هیچ مسوڵمانێکی ڕاستەقینە بڕوای وەها بێت کە درووست و ئاساییە دەنگ بە کەسێک بدرێت کە ناپاکی لە دین و ژینی خەڵکی بکات، زیان لەسامانی گشتی بدات و هەموو شت بکاتە قوربانیی بەرژەوەندیی تایبەت و حەزو شەهەواتە شەخسییەکانی، بان بیقۆزێتەوە بۆ خزمەتکردنی حیزب و گرووپێک کە باوەڕی بەڕۆڵی ڕاستەقینەی ئایین نەبێت لە ژیانی تاک و کۆمەڵگە و دەوڵەتدا، یاخود ببێتە ڕاگر و کۆڵەکەی حیزب و کەسە خراپەکان!

کەواتە لێرەوە داوا لە برایانی سەلەفیی دەکەم کە ئیمان و دواتر ویژدان و ئاوەزی خۆیان بکەنە داوەر و پێوەر بۆ ئەوەی باشترین و لێوەشاوەترین کەس هەڵبژێرن و خۆیان وتەنی شەخس پەرست نەبن و شوێنی هەق بکەون نەک فڵان و فیسار، کێ لە خوا و پاشان لە خەڵکەوە نزیکترە و بەرژەوەندی ڕاستەقینەی خەڵکیی دەوێت پشتیوانیی لێبکەن، با لەم هەنگاوەیاندا شایەتییەکەیان بۆ خوا بێت(...وَأَقِيمُوا الشَّهَادَةَ لِلَّهِ...). ئەگەر قسەیەکیشیان کرد با دادپەروەرانە بێت ( ... وَإِذَا قُلْتُمْ فَاعْدِلُوا ...)، گەرنا بێلایەنی و دەنگنەدانەکەی ڕابردوویان باش و سەلامەت تربووە بۆ دین و ئیمانیان، چونکە شایەتییدانی ناهەق لای خوای گەورە بەرپرسیارێتی لەدوایە! خوای گەورە خۆ بەدووربگرین لە قسەی ناڕاست و شایەتیی ناهەق: (واجتنبوا قول الزور).
خوای گەورە هەمووان سەلامەتکا و بمکاتە هۆکاری خێر و خزمەت و لە ڕەزامەندیی خۆیدا بەکارمان بهێنێت.

. بابه‌تی هاوبه‌ش
  • گرەوی پارتی و یەکێتی لەسەر نائومێدیی

    پارتی دیموکراتی کوردستان و یەکێتیی نیشتمانیی کوردستان دوای بەکارهێنانی چەندین پیلان و پلان لە 30 ساڵی رابردوودا بۆ مانەوەیان لە دەسەڵات، ئیدی وردە وردە هەموو پیلانەکانیان ئاشکرابووە و زۆرینەی خەڵکیش هۆشیاربووەتەوە لەوەی ئەو دوو حزبە ناتوانن گۆڕانکاری

  • نا....!

    ( .. نا !) • زەردەخەنە جوانە... لە سەرقەبران و نێو پرسه‌دا... نا• ڕێزگرتن خشڵه‌... له‌ ناكه‌سبه‌چه‌و سپڵه‌و پێنه‌زان ... نا• پاكوخاوێنی ته‌ندروستیه‌ .. به‌ وه‌سواسی و ڕاڕایی... نا • سه‌ردان واجبه‌.. بێمۆڵه‌ت ومانه‌وه‌ی چه‌ند سه‌عاتی.. نا• عه‌مره‌ سو

  • ئەفسانەی پیرۆزی هەژاریی

    جوانترین دیدی شێخ محمد غەزالی لە بارەی هەژارییەوە قەناعەتت بۆ دروست دەکەن هەژاریی عەیب نیە و خودا هەژاری زۆرتر خۆشدەوێت، پێغەمبەر هەژاربووە، قەناعەت خەزێنەیەکی لە بن نەهاتووە، دنیا نەویستی مەردایەتییە، دنیا ویستی و تەماع خراپەیە، باشی و سەرکزی

نرخی دراوه‌كان

100 دۆلار
150,350 دینار
100 یۆرۆ
159,216.00 دینار
100 پاوه‌ند
186,000.00 دینار
100 لیره‌
6.000 دینار
100 تمه‌ن
2.59 دینار