ئەندامی ئەنجومەنی نوێنەرانی عێراق ڕایگهیاند: قەیرانی موچە لە هەرێم كێشەیەكە لەناو حكومەتی كوردستاندایە هیچ پەیوەندیەكی بە حكومەتی عێراقەوە نیە.
جاسم موسەوی ئەندامی ئەنجومەنی نوێنەرانی عێراق لە چوارچێوەی هەماهەنگی وهڵامی حكومەتی هەرێم دەداتەوە كە بەغدای بە هۆكار دانابوو لە دواكەوتنی موچەی فەرمانبەرانی هەرێمی كوردستان و دەڵێت: قەیرانی موچەی فەرمانبەرانی هەرێمی كوردستان، قەیرانی ئەمڕۆ و نوێ نیە، بەڵكو 10 ساڵە تا ئێستا بەردەوامی هەیە و حكومەتی هەرێم نەیتوانوە چارەسەری بكات.
ئەو پەرلەمانتارە دەشڵێت: حكومەتی هەرێم پابەند نەبون بە بڕیار و رێككەوتنەكانی لەگەڵ حكومەتی فیدراڵ، هەروەها قەیرانی موچە لە هەرێم كێشەیەكە لەناو حكومەتی كوردستاندایە هیچ پەیوەندیەكی بە حكومەتی عێراقەوە نیە، چونكە تا ئێستا دۆسیەی فەرمانبەرانی رادەستی بەغدا نەكردووە تا بەغدا لێی بەرپرسیار بێت.
جاسم موسەوی ئەوەشی راگەیاندووە، سەرەڕای ئەوەی بەغدا لە ماوەی پارەی تەواوی بۆ هەرێمی كوردستان ناردووە بەڵام قەیرانی موچە هەر بەردەوامە و حكومەتی هەرێم موچەی فەرمانبەران نادات.
