هـه‌واڵـه‌كـان وتــار بـه‌رنـامـه‌ درامـــا وه‌رزش ته‌كنه‌لۆجیا پـه‌یـوه‌نـدی ده‌ربــاره‌

گوتیرێس بۆ یەكەمجار دەسەڵاتی بەكارهێنا و نامەیەكی ئاڕاستەی ئەنجوومەنی ئاسایش كرد لەبارەی غەززە

سكرتێری گشتی نەتەوە یەكگرتووەكان، بۆ یەكەمجار بەدرێژایی ماوەی ئەركەكەی دەسەڵاتی خۆی پەیوەست بەمیساقی نەتەوە یەكگرتووەكان بەكارهێنا و نامەیەكی ئاڕاستەی ئەنجوومەنی ئاسایش كرد بۆ ڕێگریی كردن لەكارەساتی مرۆیی لەغەززە.

لەنامەكەی دا، سكرتێری گشتی نەتەوەیەكگرتووەكان ئەنتۆنیۆ گوتیرێس، باسی لە 99هەمین ماددەی میساقی نەتەوە یەكگرتووەكان كردوە، ئاماژە بەوە دەكات: دوژمنایەتی ئیسرائیل - حەماس كەماوەی زیاتر لەهەشت هەفتەیە بەردەوامە بووەتە هۆی ئازاری مرۆیی تۆقێنەر.

گوتیرێس جەختی لەسەر ئەوە كردەوە: بەهۆی ئۆپەراسیۆنە سەربازییەكانی ئیسرائیلەوە مەدەنییەكانی غەززە لەژێر مەترسیی گەورەدان و، شوێنێكی ئارام نییە بۆ پاراستنی مەدەنی وسیستمی تەندروستیش داڕووخاوە.

راشیگەیاندوە: ڕەوشی ئێستای غەززە وایكردووە نەتوانرێت ئۆپەراسیۆنە مرۆییەكان بەشێوەیەكی بەرچاو ئەنجام بدرێن، ئەوەیشی خستەڕوو: غەززە لەژێر بۆردومانی بەردەوامی هێزەكانی بەرگری ئیسرائیلدایە.

هەروەها گوتیرێس باسی لەوە كرد: خەڵكی غەززە پەناگەیان نییە ڕووی تێبكەن بۆ مانەوەیان لەژیان و ناتوانن پێداویستییەكانیان دابین بكەن، هاوكارییە مرۆییە سنووردارەكان بۆ ناوچەكە بووەتە كارێكی ئەستەم، بەو هۆیەوە چاوەڕوان دەكرێت لەكاتێكی زۆر نزیكدا شیرازەی گشتی بەتەواوی داڕوخێت و، ڕایگەیاند: نەخۆشیە پەتاییەكان و زیادبوونی گوشار بۆ كۆچی بەكۆمەڵ بۆ وڵاتانی دراوسێ ڕەوشەكە خراپتر دەكات.

گوتیرێس بە ئاماژەكردن بەوەی كە كۆمەڵگەی نێودەوڵەتی بەرپرسیارە لە بەكارهێنانی كاریگەری خۆی بۆ ڕێگری كردن لە زیادبوونی توندوتیژی و، كۆتاییهێنان بەقەیرانەكە، ڕایگەیاند: داوا لەئەندامانی ئەنجوومەنی ئاسایش دەكەم گوشار بكەن بۆ ڕێگریكردن لەكارەساتی مرۆیی و دووبارە داوایان ڵێدەكەم بۆ ڕاگەیاندنی ئاگربەستی مرۆیی. ئەمە زۆر بەپەلەیە.

. بابه‌تی هاوبه‌ش

نرخی دراوه‌كان

100 دۆلار
151.100 دینار
100 یۆرۆ
171.000 دینار
100 پاوه‌ند
195.500 دینار
100 لیره‌
6.000 دینار
100 تمه‌ن
3.250 دینار