هـه‌واڵـه‌كـان وتــار بـه‌رنـامـه‌ درامـــا وه‌رزش ته‌كنه‌لۆجیا پـه‌یـوه‌نـدی ده‌ربــاره‌

غه‌ززه‌.. به‌هۆى هێرشى سوپاى ئیسرائیلى داگیركار 15 هه‌زار و 523 فه‌له‌ستینى شه‌هیدكراون

سوپاى ئیسرائیلى داگیركار له‌هێرشه‌كانى ئاسمانى وزه‌مینى وده‌ریایى بۆ سه‌ر كه‌رتى غه‌ززه‌ به‌رده‌وامه‌ وشه‌وى رابردوو تا به‌ره‌به‌یانى ئه‌مرۆ به‌رده‌وام بووه‌ له‌بۆردومانكردنى ناوچه‌ جیاوازه‌كانى كه‌رته‌كه‌ و به‌هۆیه‌وه‌ ده‌یان هاوڵاتى فه‌له‌ستینى شه‌هید وبرینداركراون.

شه‌وى رابردوو فرۆكه‌ جه‌نگییه‌كانى ئیسرائیلى داگیركار بۆردومانى ناوچه‌ى جه‌بالیایان له‌باكورى كه‌رتى غه‌ززه‌ كردوه‌ و چوارگۆشه‌یه‌كى نیشته‌جێبوونى هاوڵاتیان به‌ئامانج گرتووه‌ كه‌به‌هۆیه‌وه‌ كۆمه‌ڵكوژییه‌كى دیكه‌ ئه‌نجامدراوه‌.

هه‌روه‌ها سوپاى جوله‌كه‌ بۆردومانى تیمه‌كانى پزیشكى كردوه‌ له‌ناوچه‌ى فالوجا له‌باكورى كه‌رته‌كه‌ وبه‌هۆیه‌وه‌ دوو كه‌س له‌تیمى مانگى سوورى فه‌له‌ستینى برینداركراون.

هه‌روه‌ها سوپاى ئیسرائیلى داگیركار له‌نێو كه‌رتى غه‌ززه‌ دا، بۆردومانى كارگه‌ى زه‌یتى زه‌یتۆنیان كردوه‌ له‌شارى ره‌فه‌ح به‌هۆیه‌وه‌ ژماره‌یه‌ك هاوڵاتى فه‌له‌ستینى شه‌هید كراون.

لایخۆیه‌وه‌، وه‌زاره‌تى ته‌ندروستى فه‌له‌ستینى له‌كه‌رتى غه‌ززه‌ رایگه‌یاندوه‌: به‌هۆى بۆردومانى به‌رده‌وامى سوپاى جوله‌كه‌ى داگیركار بۆ سه‌ر كه‌رتى غه‌ززه‌ له‌ 7ى ئۆكتوبه‌ره‌وه‌ تائێستا 15 هه‌زار و 523 هاوڵاتى فه‌له‌ستینى شه‌هید كراون، وله‌ركه‌تى رۆژئاواش به‌هۆى گوله‌ى سه‌ربازانى جوله‌كه‌وه‌ 255 هاوڵاتى فه‌له‌ستینى شه‌هید كراون.

. بابه‌تی هاوبه‌ش

نرخی دراوه‌كان

100 دۆلار
151.100 دینار
100 یۆرۆ
171.000 دینار
100 پاوه‌ند
195.500 دینار
100 لیره‌
6.000 دینار
100 تمه‌ن
3.250 دینار