بەڕێوەبەرایەتیی بەرگریی شارستانی لە غەززە ڕایگەیاند، بەھۆی بەردەوامی بۆردومانەکانی ئیسرائیل بۆسەر کەرتی غەززە، تیمەکانیان ناتوانن تەرمەی ئەو کەسانەی کە کەوتوونەتە ژێر داروپەردووی باڵەخانە ڕووخاوەکان ھەڵبگرینەوە.
گوتەبێژی بەڕێوەبەرایەتیی بەرگریی شارستانی لە غەززە، مەحمود بەسەل لە ڕاگەیاندراوێکدا ئاماژەی بەوەداوە کە بۆردومانەکانی ئیسرائیل بۆسەر کەرتی غەززە بەردەوامە.
ڕاشیگەیاندووە: "بەھۆی ئەوەی ئامێر و کەلوپەلی پێویست لەبەردەستماندا نییە، ناتوانین تەرمی ئەو کەسانەی کە کەوتوونەتە ژێر داروپەردووی باڵەخانە ڕووخاوەکان لە غەززە و باکووری کەرتی غەززە، ھەڵبگرینەوە".
باسی لەوەیش کردووە: "داوا دەکەین، ئامێر و کەلوپەل بۆ تیمەکانمان دابین بکرێن، بۆ ئەوەی بتوانن تەرمی ئەو کەسانەی کە کەوتوونەتە ژێر داروپەردووی باڵەخانە ڕووخاوەکان لە غەززە، ھەڵبگرینەوە".
