ئه‌ندامێكى ئه‌نجومه‌نى سیاسى باڵای سه‌ر به‌حوسییه‌كان له وڵاتى یه‌مه‌ن رایگه‌یاند: هیچ قسه‌یه‌ك له‌سه‌ر ئازادكردنى كه‌شتییه ئیسرائیلییه‌كه ناكه‌ین كه له‌لایه‌ن حوسییه‌كانه‌وه ده‌ست به‌سه‌ركراوه، به‌ر له‌راگرتنى شه‌ڕ له‌كه‌رتى غه‌ززه.
محه‌مه‌د عه‌لى حوسى، ئه‌ندامى ئه‌نجومه‌نى سیاسى باڵاى یه‌مه‌ن ڕایگه‌یاند: ئه‌گه‌ر ئه‌مریكا و ئیسرائیل له كوشتنى فه‌له‌ستینیه‌كان له‌غه‌ززه راوه‌ستان و، ئاو و داو ده‌رمان و خۆراك گه‌یشته غه‌ززه، ئه‌وكات ده‌كرێت قسه له‌سه‌ر كه‌شتییه‌كه‌ى ئیسرائیل بكه‌ین كه له‌لامان ده‌ست به‌سه‌ره.
عه‌لى حوسى راشیگه‌یاند: ئه‌وه‌ى هێزه ده‌ریاییه‌كانمان پێیى هه‌ڵساون، بنه‌ماى مامه‌ڵه‌ى یه‌ك به یه‌كه‌و، ئاماژه‌ى به‌وه كرد: هێزه ده‌ریاییه‌كانمان هێزێكى به‌رگرین له‌دژى كه‌شتییه‌كان و، ته‌نها كه‌شتییه‌كانى ئیسرائیلى داگیركار و سه‌ر به‌ئیسرائیل ده‌ست به‌سه‌ر ده‌كه‌ن.
كۆمه‌ڵه‌ى حوسییه‌كانى یه‌مه‌ن، هۆشدارى ده‌ده‌ن له‌هه‌ر ده‌ستوه‌ردانێكى له‌ئاوه نێوده‌وڵه‌تییه‌كانى یه‌مه‌ن و، به‌ڵێنیشیان داوه كه وه‌ڵامى گونجاویان ده‌بێت بۆ هه‌ر هه‌نگاوێكى له‌و شێوه‌یه.
له ده‌ریایى سوور هێزه ده‌ریاییه‌كانى حوسییه‌كانى یه‌مه‌ن توانیان ده‌ست به‌سه‌ر كه‌شتییه‌كى بازرگانى ئیسرائیل دا بگرن و، ده‌ست به‌سه‌رى بكه‌ن كه 25 كه‌سى تێدایه، بۆ ئازادكردنیشى مه‌رجى راگرتنى شه‌ڕیان داناوه له كه‌رتى غه‌ززه.
