محمد حەلبوسی سەرۆكی دورخراوەی پەرلەمانی عێراق دژی بڕیاری دادگای فیدڕاڵی بۆ دورخستنەوەی لەپەرلەمان دەستی بەجوڵەكرد.
محمد حەلبوسی سەرۆكی دورخراوەی پەرلەمان لەگەڵ سەرۆكۆماری عێراق كۆبوەوەو باسی لەوەكردوە پێویستە بڕیاری دادگا بەپێی دەستوری عێراقبێت.
حەلبوسی لەگەڵ باڵیۆزی ئەمریكا لەعێراقیش كۆبوەتەوەو ئەلینا رۆمانۆسكی باڵیۆز ڕایگەیاندوە، پێویستە دادگاكان سەربەخۆبن و بڕیارەكانیان بەپێی یاسا بێت.
سەرۆكی دورخراوەی پەرلەمان لەگەڵ باڵیۆزی توركیاش كۆبوەتەوەو باسی بڕیارەكەی دادگای فیدڕاڵیان كردوە.
دادگای فیدڕاڵی لەرۆژی سێشەممەی ڕابردوو لەسەر سكاڵایەكی لەیس دلێمی ئەندامی پەرلەمانی عێراق بڕیاریدا بە بێبەشكردنی محمد حەلبوسی لە ئەندامیەتی پەرلەمانی عێراق.