بۆچی بەم دڕندەیە کوشتوبڕی دانیشتوانی کەرتی غەززە دەکرێ؟
ئەزموونکردن وساغکردنەوەی ئەو هەموو جۆرە چەکەیە، کە لەلایەن ئەمریکاو هاوپەیمانەکانیەوە هێنراونەتە ناو ئیسرائیل! واتە لەبازاڕێکی سەوداوو مامەڵەی بازرگانیدا، دوور لەهەموو قیەم وئەخلاقێکی مرۆیی، بەکردەیی ئەزموونی چەکـ وتەقەمەنی نوێ دەکرێتەوە!
بەئامانجگرتنی کوێرانەی خەڵکی سڤیل بەم ئاست وقەبارەیە، پەیامێکی ڕوونە لەلایەن قەوارەی خوێن وخیانەت، هەتا دانیشتوانی کەرتی غەززە قایلبکەن، لەنێوان پاکتاوکردن و بەجێهێشتنی کەرتی غەززە، هەر دەبێ یەکێکیان هەڵبژێرن!
بۆ شاردنەوەی شکستەکانی سوپای خوێن وخیانەتە لەهێرشی زەمینی ونەبوونی بەرنامەیەکی ڕوونە لەچۆنیەتی ڕووبەڕووبوونەوەی کەتیبەکانی بزوتنەوەی 7ماس! کە زۆرجار وەکـ جنۆکە لەتونێلەکانەوە دێنە دەرەوە!
بەشێکـ لەهێزی پیادەی هێرشی زەمینی وتیمەکانی فڕۆکەوانی لەچوارچێوەی گروپی کرێگرتە لەدەرەوەی قەوارەی زایۆنیزم هێنراون، بۆیە هەتا چەکی زیاتر ئەزموون بکەن، ژمارەی قوربانیەکانی زیاتربن، خەڵاتی باشتر وەردەگرن!
بەحوکمی ئەوەی هێشتا زۆری ماوە بۆ ئەوەی بگەنە ئامانجی سەرەکیان، کە خۆی لەناوبردنی هێزو توانای مرۆیی وسەربازی وهەواڵگیری بزوتنەوەی 7ماسدا دەبیننەوە، کوشتوبڕی کوێرانەی خەڵکی سڤیل وەکـ فشارێکـ بەکاردێنن بۆ خۆبەدەستەوەدان وچۆکـ پێدانی کەتیبەکانی بزوتنەوەی 7ماس!
