لە ئەركێكی ئاسان یانەی لیڤەرپول لە گەڕی 11می پرێمەرلیگ لە كاتژمێر 7:30 ئێوارە دەبێتە میوانی لۆتن تاون.
لیڤەرپول لە ئێستادا ئاستێكی بەرز پێشكەش دەكات و خاوەنی 23 خاڵەو پلەی چوارەمی ریزبەندی گرتوەو لە چەند رۆژی رابردووش لە جامی رابیتەی ئینگلتەرا گەیشتە قۆناغی هەشتەم.
ئەم یانەیە لەدوو یاری رابردووی خولەكە بردنەوەی تۆمار كردووەو ئەركی لەم یارییەشدا ئاسانە بەڵام دەبێت خۆیان لە ئەنجامی چاوەڕوان نەكراویش بەدوور بگرن، لوتن تاون خاوەنی تەنها پێنج خاڵەو پلەی 18می ریزبەندی گرتوە.
بۆ ئەم یارییەش لیڤەرپول لە توانای هەردوو یاریزان تیاگۆ ئەلكانتارا و ستیڤان باگسیچ بێ بەش دەبێت بەهۆی پێكانەوە.
