مەشقەكانی یانەی ئیتحادی سعودیە لەسەر یاریگای یانەی هەولێر و دواین ئامادەكاری تەواو كرد بۆ یاری سبەیان بەرامبەر یانەی قوەی جەویە لە چامپیونس لیگی ئاسیا.
ئیتحاد كۆمەلێك ئەستێرەی جیهانی لە ریزەكانی یاری دەكەن, كە پێشتر لە یانەگەوەكانی ئەوروپاوە یاریانكردووە, بینی ئەم ئەستێرانە لە عێراق و هەرێمی كوردستان وەك خەون بوو، بەلام بەهۆی یانەی جەویە خەونەكە بووە بەراستی و سبەی لە كاتژمێر 03:00 ئێوارە بەرامبەر بە یەكتر یاری دەكەن.
بەهۆی بوونی كەریم بنزیمەی خاوەن بالۆن دۆر و چامپیونس لیگ و بوونی كانتی و فابیۆ و چەندین ئەستێرەی دیكەی جیهانی پێشبینی دەكرێت هاندەرێكی زۆر هەرێمی كوردستان و باشور و خواروی عێراق ئامادەی یاریەكەبن.
لە ریزەكانی ئیتحاد 8 یاریزان بەهۆی پێكانەوە یاری ناكەن بەلام كەریم بنزیمە و كانتی ئامادەن.
هەرچی یانەی جەویە, لە یاریگای یانەی هەندرێن دواین مەشقەكانی خۆی ئەنجامدا, دیەوێت پاڵپشت بەو هاندەرە زۆری كە سبەی لە یاریگای ئامادەدەبن بتوانن ئەنجامێكی مێژووی تۆماربكەن و 3 خاڵی یاریەكە دەستبەربكەن كە لە یاری چوون بە تاكە گۆلێك لە ئیتحاد دۆراوە .
جەویە لە خولی ناوەخۆ بە ئاستێكی بەرز گوزەر دەكات و لە 3 یاری 9 خاڵی كۆكردۆتەوە چاویشی لەوەیە بردنەوەی ئەم یاریەش بكاتە دیاری هاندەران.
هەردوو یانە لە پێشووتردا هیچ جارێك رووبەرووی یەكتر نەبوونەتەوە تەنها ئەمساڵ نەبێت لە یاری چوون بەرامبەر یەكتر یاریان كردووە .
پێش ئەم یاریەش ئیتحاد هەر سێ‌ یاری كۆمەڵەكەی بردۆتەوەو خاوەنی 9 خاڵە لە پێشەنگە هەرچی قوەی جەویەیە لە 3 یاری خاوەنی بردنەوەیەك و دۆرانێك و یەكسان بوونێكە بە 4 خاڵ پلەی دووەمی كۆمەڵەكەی گرتووە.