له گه‌ڕی 11ی خولی ئینتاڵیا ئەمشەو لەكاتژمێر 10:45 شەو یانەی میلان میوانداری ئۆدنیزی دەكات، میلان بە كۆكردنەوەی 22 خاڵ پلەی سێیەمی ریزبەندی گرتوەو ئامانجی ئەوەیە بگەرێتەوە سەركەوتنەكان پاش ئەوەی لە دوو گەڕی رابردوو تامی سەركەوتنی نەكردووە، هەرچی یانەی ئۆدنیزیە ئەم وەرزە هیچ بردنەوەیەكی نیەو ئەركێكی زەحمەتیش لەم یارییەدا چاوەڕوانی دەكات و تەنها حەفت خاڵی هەیە پلەی 17می ریزبەندی گرتوە،لەم یارییەدا یاریزانی بەرگری فەرەنسی بیار كالۆلۆ بەهۆی ئەنجامدانی نەشتەرگەری چوار مانگ لە یانەكە دووردەكەوێتەوەو یاریزانی ناوەراستیش رۆبن لۆفتۆس دەگەرێتەوە لیستی یانەكە بەڵام پێدەچێت بەشێوەی سەرەكی بەشداری نەكات.
