هەر لە پرێمەرلیگ لەیاری لوتكەی ئەم گەڕەیە لەكاتژمێر 8:30 شەو لە سانت جێمس پارك یانەی نیوكاسڵ یۆنایتد میوانداری ئەرسناڵ دەكات.
ئەرسناڵ خاوەنی 24 خاڵەو پلەی دووەمی ریزبەندی گرتوەو هاوشێوەی تۆتنهام تاكە دوو یانەی خولەكەن توشی هیچ دۆرانێك نەهاتوون لەم وەرزە.
ئەرسناڵ لە چەند رۆژی رابردوو لە جامی رابیتەی ئینگلتەرا دوای دۆرانی بە ویستهام یۆنایتد ماڵئاوایی لە خولەكە كرد بۆیە پێشبینی دەكرێت تیپەكەی ئارتیتا زیاتر خۆی بۆ پرێمەرلیگ یەكلایی بكاتەوە.
هەرچی نیوكاسڵ یۆنایتدە خاوەنی 17 خاڵەو پلەی شەشەمی ریزبەندی گرتوەو ئاستی بەرەو بەرز بوونەوەیە، ئەم یانەیە لە چەند رۆژی رابردوو لەیاریگای ئۆڵترافۆرد بە سێ گۆڵی بێ بەرامبەر لە مانچستەریۆنایتدی بردەوەو خۆی گەیاندە قۆناغی هەشتەمی جامی رابیتەی ئینگلتەرا، ئەم بردنەوەیەش هاندەر دەبێت بۆ ئەوەی تیپەكەی ئیدی هاو درێژە بە ئاستە بەرزەكەی بدات و ئەنجامێكی باش بەرامبەر ئەرسناڵ تۆمار بكات.
