ئەمشەو یارییەكانی گەڕی سێیەمی یانەپاڵەوانەكانی ئەوروپا لە قۆناغی كۆمەڵەكان بەرێوە دەچێت و لە كاتژمێر 7:45 ئێوارە بایرن میونخ لە كۆمەڵەی یەكەم دەبێتە میوانی گەڵاتەسەرای توركی و لەكاتژمێر 10:00 شەویش مانچستەریۆنایتد میوانداری كۆبنهاگنی دانیماركی دەكات.
لە كۆمەڵەی دووەمی یانەپاڵەوانەكانی ئەوروپا كاتژمێر 10:00 ئەمشەو دوو یاری بەرێوە دەچێت، یانەی ئەرسناڵ لە دەرەوەی یاریگای خۆی دەبێتە میوانی ئیشبیلیە و یانەی لانسیش میوانداری ئایندهۆڤن دەكات.
یارییەكانی كۆمەڵەی سێیەمی یانەپاڵەوانەكانیش لەكاتژمێر 10:00 شەو بەرێوە دەچێت، ریال مەدریدی خاوەن زۆرترین نازناوی خولەكە لە دەرەوەی یاریگای خۆی دەبێتە میوانی سپۆرتینگ براگای پورتوگالی، یانەی ناپۆلیش دەبێتە میوانی یۆنیۆن بەرلینی ئەڵمانی.
لە كۆمەڵەی چوارەمی یانەپاڵەوانەكانی ئەوروپا لەكاتژمێر 7:45 ئێوارە ئینتەرمیلانی ئیتاڵی میوانداری رید بۆل سالسبۆرگی نەمسا دەكات و لەكاتژمێر 10:00 شەویش یانەی بەنفیكای پورتوگالی میوانداری ریال سۆسیدادی ئیسپانی دەكات.
