ئینتەرمیلان بەشێوەیەكی كاتی گەرایەوە پێشەنگی یانەكانی خولی ئیتاڵیا پاش ئەوەی لە یارییەكانی گەڕی نۆیەم لە دەرەوەی یاریگای خۆی بە سێ گۆڵی بێ بەرامبەر لە تۆرینۆی بردەوە.
گێمی یەكەم بەیەكسان بوون بەبێ گۆڵ كۆتایی هات، لە گێمی دووەم ئینتەرمیلان ئاستێكی بەرزی پێشكەش كرد، ماركۆس تورام لەخولەكی 59 گۆڵی یەكەمی تۆمار كرد،دوای هەشت خولەكی تر لاوتارۆ مارتینز گۆڵی دووەمی تۆمار كرد ئەمەش گۆڵی ژمارە 11 بوو لەم وەرزە پێشەنگی گۆڵكارانی گرتوە، دواین گۆڵیش لەلایەن هاكان كالهان گلۆ لەخولەكی كۆتایی بەلێدانی سزا تۆمار كرا، بەم بردنەوەیەش ئینتەرمیلان بە كۆكردنەوەی 22 خاڵ بەشێوەیەكی كاتی گەرایەوە پێشەنگی یانەكان.
