بوومەلەرزەیەک بەگوڕی 6.4 پلە بە پێوەری ڕێختەر، باشووری فلیپینی هەژاند.
لە راگەیەندراوێکدا کە لەلایەن ناوەندی ڕووپێویی جیۆلۆجیی ئەمریکا (USGS)ەوە بڵاوکراوەتەوە، باس لەوە کراوە بوومەلەرزەکە لە کەناراوەکانی شاری سارانگانی باشووری فلیپین ڕوویداوە.
بەپێی ئامارە بەراییەکان، لەو بوومەلەرزەیەدا کە قووڵایی نزیکەی 120 کیلۆمەتردا روویداوە، هیچ زیانێکی گیانی و ماڵی لێنەکەوتووەتەوە.
لە مانگی ئەیلوولیشدا، بوومەلەرزەیەک بە گوڕی 6.3 پلە بەپێوەری ڕێختەر لەو وڵاتە ڕوویدا.
فلیپین کە یەکێکە لەو وڵاتانەی جیهان زۆررترین بوومەلەرزە تیایدا ڕوو دەدات، دەکەوێتە سەر هێڵی بوومەلەرزە و گڕکانی ناسراو بە ''پشتێنەی ئاگرینی زەریای هێمن''.
