دیجیتال میدیا سپێدە:
دویڤ نڤیسارەکا وەزارەتا دارایی یا حکومەتا هەرێما کوردستانێ کو ئیمزا وەزیرێ دارایی لسەرە، بڕیارا بڕینا موچێ کەفیلێن سودمەندێن پێشینەیێن هەڤژینیێ و پروژێن بچویک و خانوبەرە هاتە راگرتن.
بەری نوکە حکومەتا هەرێمێ بڕیاردابوو ب بڕینا موچێ وان فەرمانبەرێن بوینە کەفیل بو وەڵاتیێن پێشینە وەرگرتین و نەڤەگەراندین، ئەڤێ ژی نەرازیبوونا زۆر لایێ وەڵاتیان دروستکربوو، ب تایبەت کو حکومەتا هەرێمێ ب ملیارا دولاران قەرزارا موچەخورایە ب لێبرین و نەدان و پاشکەفتکرنا موچێ وان.
و نوکەژی هەر 45 روژان جارەکێ موچە دهێتە دابەشکرن، لێ زێدەباری ڤێ، داخواز ژوەڵاتیان دکەت قەرزێن حکومەتێ ڤەگەرینن، پشتی نەرازیبوونا زۆر یا وەڵاتیان حکومەتا هەرێمێ بریاردا کو نوکە قەرزێن پێشینەیان نەهێنە ڤەگەراندن و نوکەژی لدویڤ نڤیسارا وەزارەتا دارایی، پارێ فەرمانبەرێن کەفیل ژی ناهێنە بڕین.