هـه‌واڵـه‌كـان وتــار بـه‌رنـامـه‌ درامـــا وه‌رزش ته‌كنه‌لۆجیا پـه‌یـوه‌نـدی ده‌ربــاره‌

ئەڤرو ل دهوكێ ب مەرەما نەهنارتنا مووچە و بودجەیێ هەرێمێ، خونیشاندانەك ل دژی بەغدا هاتە ئەنجامدان

ديجيتال ميديا سپیدە:

ئەڤرو ل باژێرێ‌ دهوك و ل گورەپانا نەورۆز ل ناڤەندا باژێری خوپیشاندانەك لدژی بەغدا برێڤەچوو ژبۆ زڤراندنا پشكا هەرێمێ‌ ژ موچە وبودجەی.

لدور وێ‌ بەلاڤكریا ل روژانێن رابووری هاتیە راگەهاندن، ئەڤرو ل سەر داخازا رێكخراوێن پارتی، خوپیشاندانا ملیونی ل دهوك برێڤەچوو و دەستهەلاتێ‌ ل دەڤەرێ‌ تەڤایا رێڤەبەرێن قوتابخانان ل سنوری هایداركربوون هەتا ئەڤرو ماموستا ب زوری بەشداریێ‌ تێدا بكەن.

هەرچەندە ل سالێن رابووری تەخا ماموستا وفەرمانبەران خوپیشاندان ئەنجامدان ژبو داخازكرن و زڤراندنا پاشەكەفتا موچەی و هەروەسا راگرتنا لێبڕینا موچەی ژلایێ‌ حكومەتا وی دەمی یا هەرێمێ‌، لێ‌ ب هێزێ‌ خوپیشاندانێن وان هاتنە بەلاڤكرن و ل میدیایێن سەر ب دەستهەلاتێ‌ ژی ب ئاژاوەگێر وتێكدەر و هەبوونا دەستێ‌ دەرەكی بناڤبرن و بگرە بەشەك ژ وان دەستەسەركرن و توهمەتێن نەڕەوا بو دروستكرن وپشتی چەند سالان ژی ژ گرتنا وان بێی دادگەهكرن، هاتنە ئازادكرن.

دنوكە دا دگەل وێ‌ یەكێ‌ پارتا دەستهەلاتدار بەشدارە دپێكئینانا حكومەتا عیراقی وچەندین رێكەفتن ژی دگەل بەغدا كرینە و نوونەر وپوستێن بلند ددەستی دانە لێ‌ نەشێن بەرەڤانیێ‌ ژ مافێن خەلكی بكەن و دەست ژكاربكێشن، و بەلكو پێكولێ‌ ددەن برێیا خوپیشاندانان دژایەتیا بەغدا بكەن و گڤاشتنان ل خەلكی بكەن و لسەر پوستێن خو ژی بمینن ل بەغدا.

ددەمەكێ‌ دا ل دەستپێكا گوتوبێژێن پروژە یاسا بودجێ‌ گشتیێ‌ عیراقێ‌، لایەنێن ئوپوزسیونێ‌ ب تایبەتی ژی كوتلا یەكگرتوو چەندین هایداری دان پروژە یاسا بودجەی یا تژییە ژ كێم وكاسیان و زیان دێ‌ بو هەرێمێ‌ هەبیت، بگرە بڕگەهەك ژی بو زێدەكر ژبو زڤراندنا پاشەكەفتا موچێ‌ فەرمانبەرێن هەرێمێ‌، لێ‌ پارتا دەستهەلاتدار ئەو بڕگەهـ لادا و ئەڤرو ژی هەر ئەو تەخا بێ‌ بەهر یا دەستهەلاتێ‌ غەدر لێكری ژ زڤراندنا مافێن وان، دئیننە سەر جاددێ‌ هەتا دژایەتیا بەغدا پێ بكەن

. بابه‌تی هاوبه‌ش

نرخی دراوه‌كان

100 دۆلار
150,000 دینار
100 یۆرۆ
152,500 دینار
100 پاوه‌ند
188,800 دینار
100 لیره‌
3550 دینار
100 تمه‌ن
9.160.000 دینار