دیجیتال میدیا سپێدە:
ل عیراقێ ژ ئەگەرێ هشكەساڵیێ، زێدەتر ژ 12 هزار خێزان نەچار بوون جهێ خۆ بجهبهێلن و، بەرەف دەڤەرێن دی مشەخت بن.
میدیایێن عێراقی بەڵاڤكرییە،كو لدویف دوماهیك راپۆرتا ڕێكخراوا كۆچا ناڤدەولەتی، ژ ئەگەرێ هشكەساڵیێ ل عیراقێ زێدەتر ژ 12 هزار خێزانان ل 10 پارێزگەهێن جودایێن وەڵاتی نەچار بوون مشەخت بن.
ئەو یەك ژی ئێخستییە بەرچاڤ،ل عیراقێ ب گشتی ل ساڵا 2019 وەرە بارانبارین ب رێژەیەكا بەرچاڤ كێمكرییە و ئەڤە ساڵە ژی زیانەكا مەزن بەرب زەڤیێن كشتوكاڵی كەتییە، هەروەسا ئەو وەڵاتیێن عێراقێ كو پشت ب كشتوكاڵی و ب خودانكرنا ئاژەڵی گرێددەن ژ ئەگەرێ كێمبوونا ئاڤێ و ڕێژەیا كەسكاتیێ نەچاربوون ئاژەڵێن خۆ بفرۆشن و جهێ خۆ بجهبهێلن و، بەرەف دەڤەرێن دی كۆچ بكەن.