هـه‌واڵـه‌كـان وتــار بـه‌رنـامـه‌ درامـــا وه‌رزش ته‌كنه‌لۆجیا پـه‌یـوه‌نـدی ده‌ربــاره‌

سەنتەرێ میترو: پێدڤییە رۆژنامەڤان ئیسلام کەشانی بێگیروبوون بهێتە ئازادکرن

دیجیتال میدیا سپێدە:
پێدڤییە رۆژنامەڤان ئیسلام کەشانی بێگیروبوون بهێتە ئازادکرن.

24ـی ئابی 2023، سەنتەرێ میترۆ ئیدانەیا دەستەسەرکرنا رۆژنامەڤان ( ئیسلام کەشانی ) بەرپرسێ نڤیسینگەها کەناڵێ ئەسمانی سپێدە - زاخۆ و روژنامەڤان و پێشکێشکار ل تەلەڤزیونا خابیر دکەت، داخاز ژ هێزێن ئەمنی یێن ئیدارا سەربەخۆیا زاخۆ دکەت بەروڤاژی یاسایێن هەرێما کوردستانێ ب تایبەت یاسایا ژمارە 35ـا ساڵا 2007 یا کارێ رۆژنامەڤانی رەفتارا نەکن و پێدڤییە ب زیترین دەم رۆژنامەڤان ئیسلام کەشانی بهێتە ئازادکرن.

ماهر سەگڤان، رێڤەبەرێ کەناڵێ خابیر تیڤی، بۆ سەنتەرێ میترۆ راگەهاند " ئەڤرۆ ل دەمژمێر 9:45 خۆلەک، رۆژنامەڤان ئیسلام کەشانی ب مەرەما چوونا سەر کارێ خۆ یێ میدیایی ل نڤیسینگەها کەناڵێ ئەسمانی یێ سپێدە و دەزگەهێ خابیر، ژمار دەرکەفت، ژبەری بگەهیتە جهێ کاری ل گەڕەکا سەفین ل زاخۆ، هێزەکا ئاسایشێ بێی بڕیارا دادگەهێ دگرن و د رەڤینن".

گوت ژی " هێزێن ئەمنی نەبتنێ ئەڤ چەندە ئەنجامداینە، لدەمژمێر 1ـی نیڤرۆ بێی هەبوونا بڕیارا دادگەهێ و دویر ژ رەفتارێن شارستانی لبەر چاڤێن زاڕوکێن وی ب سەر مالا وی دا گرتینە پشکنین بۆ ماڵا وی کرینە، پشتی چ تشتەک ب دەست وان نەکەفتی زڤڕین".

ئەڤە د دەمەکێ دایە ژبەری چەند رۆژەکان، رۆژنامەڤان و پەیامنێرێ دیجیتاڵ میدیایا 964 شڤان عەبدوڵا لدەمژمێر 12:30 خۆلەک دناڤ بازاڕێ زاخۆدا ژلایێ ئاسایشێ ڤە بێی بڕیارا دادگەهێ دەستەسەرکرن و درەنگیا شەڤێ ئازادکرن.

سەنتەرێ میترۆ ئیدانەیا دەستەسەرکرنا رۆژنامەڤان ( ئیسلام کەشانی ) بەرپرسێ نڤیسینگەها کەناڵێ ئەسمانی یێ سپێدە - زاخۆ و رۆژنامەڤان ل خابیرتیڤی دکەت، داخازێ ژ هێزێن ئەمنی ییێن ئیدارا سەربەخۆیا زاخۆ دکەت بەروڤاژی یاسایێن بەردەست یێن هەرێما کوردستانێ ب تایبەت یاسایا ژمارە 35ـا ساڵا 2007 یا کارێ رۆژنامەڤانی رەفتارا نەکەن و پێدڤییە ب زیترین دەم رۆژنامەڤان ئیسلام کەشانی بهێتە ئازادکرن. ب مخابنی ڤە هندەک جاران هێزێن ئەمنی یێن هەرێما کوردستانێ دیاردکەن، رۆلێ بەشەک ژ پاراستنا ئەمنیەتا و سلامەتیا میدیایی و رۆژنامەڤانان هاتیە گۆهڕین بۆ دروستکرنا ئاستەنگ و رێریکرن ل کارێ رۆژنامەڤان و پڵبنپێکرنا یاسایێن بەرجەست تایبەت ب کارێ رۆژنامەڤانیێ ڤە ل هەرێما کوردستانێ.

. بابه‌تی هاوبه‌ش

نرخی دراوه‌كان

100 دۆلار
150,000 دینار
100 یۆرۆ
152,500 دینار
100 پاوه‌ند
188,800 دینار
100 لیره‌
3550 دینار
100 تمه‌ن
9.160.000 دینار