دیجیتاڵ میدیا سپێده:
لژنه‌یا په‌یوه‌ندیێن ده‌رڤه ل ئه‌نجومه‌نێ ئه‌مریكا ، پشته‌ڤانیا ئه‌وێ یاسایێ كر ، بۆ سه‌پاندنا سزایان ب سه‌ر وه‌ڵاتێ توركیا ، ئه‌و ژی ژ ئه‌گه‌رێ هێرشكرنا سه‌ر باكوورێ سوریا و ، كڕینا سیسته‌مێ به‌ره‌ڤانیێ موشه‌كا "ئێس- 400 " یا رووسى.
د نویترین پێكولێن ئه‌نجومه‌نێ پیرێن ئه‌مریكا ، بۆ هاندانا دۆناڵد تڕه‌مپى سه‌رۆكێ وه‌ڵاتێ وان بۆ وێ یه‌كێ فشاره‌كا توندتر ل به‌رامبه‌ر ئه‌نقه‌ره دروستبكه‌ت ، ئه‌و لژنه‌یا یاسایى سزادانا توركیا په‌سندكر .
لژنه‌یا په‌یوه‌ندیێن ده‌رڤه ئه‌نجومه‌نێ پیرێن ئه‌مریكا ب پرانیا ده‌نگان داخوازكر ، توركیا ل به‌رامبه‌ر هێرشكرنا باكوورێ سوریا سزابده‌ت و ، ژ ئالیه‌كێ دیترڤه لژنه‌یێ پڕۆژه‌یاسایه‌ك یلندكرییه ، بۆ "ب هێزكرنا ئاسایشا نه‌ته‌وه‌یى یا ئه‌مریكا و رێگریكرن ژ ده‌ركه‌فتنا رێكخراوا داعش " .
جیم ریشى سیناتۆرێ كۆمارییان و سه‌رۆكێ لژنه‌یێ راگه‌هاند :" نها ده‌مێ وێیه ئه‌نجومه‌نێ پیرێن ئه‌مریكا هه‌ڤڕابیت و ، ئه‌ڤێ ژی بكه‌ته ده‌رفه‌ته‌ك بۆ گهرینا ره‌فتارێن توركیا " .
