دیجیتاڵ میدیا سپێده:
ده‌زگایێن راگه‌هاندنا ئه‌مریكا راگه‌هاند ، چاڤه‌ڕێ دهێته‌كرن ئه‌ڤرو سێ شه‌مبی دیموكرات لیسته‌یا ئه‌وان تۆمه‌تان ئاشكرابكه‌ن ، كو دێ ئێخنه پاڵ دۆناڵد تڕه‌مپێ سه‌رۆكێ ئه‌مریكا .
رۆژنامه‌یا "واشنتن پۆست " داخویانیا سێ به‌رپرسێن چاڤدێر و ئاگه‌هدار لسه‌ر دۆسیا تۆمه‌تێن سه‌ر دۆناڵد تڕه‌مپ گوڤاستییه و راگه‌هاندییه ، لیسته‌یا تۆمه‌تان ژ خراپ بكارئینانا ده‌ستهه‌لاتێ و ئاسته‌نگ دروستكرن ل هه‌مبه‌ر كۆنگرێسی خۆ ده‌بینن .
تۆڕا نووچه‌یێن "سى ئێن ئێن " ژی راگه‌هاند :" تۆمه‌تا سیێ ژی هه‌یه دێ ده‌نه پاڵ دۆناڵد تڕه‌مپ ، ئه‌و ژی لبارا ئاسته‌نگ دروستكرنێیه ل هه‌مبه‌ر دادپه‌روه‌ریێ ، لێ ئه‌ڤ تۆمه‌ته هه‌تا نها لبن گوت و بێژاندایه " .
ژێده‌رێن ئه‌وێ تۆڕه‌یا هه‌واڵان ژی هۆشداریدایه ، هه‌تا نها لیسته‌یا تۆمه‌تان د چوارچووڤه‌یێ ئاماده‌كرنێ ، ئه‌ڤه ژی پشتی وێ یه‌كێ دوهی دوو شه‌مبی دیموكراتان دۆسییا لێپێچینێ ژ سه‌رۆكێ ئه‌مریكا ل هه‌مبه‌ر ئه‌نجومه‌نێ نوونه‌ران ئێخستییه‌به‌رچاڤ ، بڤی جۆری ژی وه‌سفا دۆناڵد تڕه‌مپ كر ، كو " مه‌ترسیه‌كه بۆ نها و داهاتی " ئاسایشا نه‌ته‌وه‌یى .
