دیجیتال میدیا سپێده:
میرێ قه‌ته‌ر، شێخ ته‌میم بن حمد ئالسانى، بانگهێشته‌كا فه‌رمى ژلایێ شاهێ سعودیه، شا سه‌لمان بن عه‌بدولعه‌زیز پێدگه‌هیت بو به‌رهه‌ڤبوونا وى دكومبوونا گوپیتكا كه‌نداڤى كو بریاره ل روژا 10ى ڤێ هه‌یڤێ ل ریاز برێڤه‌بچیت.
لدور نوچه‌یه‌كێ ئاژانسا نووچه‌ییا قه‌ته‌ر، ئالسانى په‌یامه‌كا نڤیسى ژلایێ شا سه‌لمان شاهێ سعودیه پێگه‌هشتیه وتێدا بانگهێشتا وى كریه بو به‌رهه‌ڤ بوون دكومبوونێن گوپیتكا چله‌مین یا جڤاتا بلندا هاریكاریا وه‌لاتێن كه‌نداڤى.ئه‌و بانگهێشت ژلایێ ئه‌میندارێ گشتیێ جڤاتا هاریكاریا كه‌نداڤى هاتیه راده‌ست كرن ب وه‌زیرێ ده‌رڤه‌یێ قه‌ته‌ر.
دده‌مه‌كێ دا لده‌مێ چه‌ند هه‌فتیێن ڤێ دوماهیێ دا راپورت به‌حسێ ئه‌گه‌رێ چاره‌سه‌ركرنا قه‌یرانا كه‌نداڤى دكه‌ن لده‌مێ كومبوونا ریاز دا.
سعودیه وئیمارات وبه‌حرین ومسر ل سالا 2017 وه‌ره ب تومه‌تا پشته‌ڤانیێ ل تیرورێ، په‌یوه‌ندیێن خو دگه‌ل وه‌لاتێ قه‌ته‌ر بڕین و دوورپێچ ل سه‌ر ڤى وه‌لاتى دا سه‌پاند.
هه‌روه‌سا وه‌ك ئه‌گه‌رێ ئاساییبوونا په‌یوه‌ندیێن دناڤبه‌را واندا، دنوكه دا هه‌لبژارده‌یێن ته‌پا پێ یا سعودیه وئیمارات وبه‌حرین به‌شدارن دقاره‌مانیا جاما كه‌نداڤى دا كو دێ ل قه‌ته‌ر برێڤه‌چیت، دده‌مه‌كێ دا به‌رى نوكه ڤان وه‌لاتان به‌شداریكرن دوێ قاره‌مانیێ دا ره‌تكربوو.
