ديجيتال ميديا سپێده:
پشتى تێكچوونا ره‌وشا ساخله‌میا وى دناڤ زیندانێ دا، شانده‌كێ جه‌هه‌په سه‌ره‌دانا گرتیخانا ئه‌دیرنه دكه‌ت وژنیكڤه هایدارى ره‌وشا ساخله‌میا سه‌لاحه‌دین ده‌میرتاش هه‌ڤسه‌روكێ به‌رێ یێ هه‌ده‌په دبن.
پشتى د راگه‌هاندنێن توركیا دا هاتیه به‌لاڤكرن ره‌وشا ساخله‌میا ده‌میرتاشى دناڤ زیندانێ دا تێكچوویه وئیدارا زیندانێ رێك پێنه‌دایه سه‌ره‌دانا نه‌خوشخانان بكه‌ت، شانده‌كێ پارتا جه‌هه‌په، ب سه‌روكاتیا وه‌لى ئاغا به‌ى، جێگرێ سه‌روكێ جه‌هه‌په وژماره‌یه‌ك ئه‌ندام په‌رله‌مانتارێن ڤێ حزبێ، سه‌ره‌دانا گرتیخانا ئه‌دیرنه كریه وژنزیكڤه هایدارى ره‌وشا ساخله‌میا ده‌میرتاشى بوینه ودیتیه.
دكونگره‌یه‌كێ روژنامه‌ڤانیدا جێگرێ سه‌روكێ جه‌هه‌په راگه‌هاند: ره‌وشا ساخله‌میا ده‌میرتاشى زور باشه ودنوكه دا ساخله‌میا وى یا جێگیره.
گوت ژى: ره‌وشا وى به‌رى نوكه تێكچووبوو، و وه‌ك پێدڤى ژى هه‌ناسه نه‌دایه، لێ دگرتیخانێ دا چاره‌سه‌رى بو هاتیه كرن، وه‌لى ئاغا به‌ى دبێژیت: ده‌میرتاشى گازنده ژئیدارا گرتیخانێ نیه وسه‌ره‌ده‌ریا گرتیخانێ دگه‌ل دا یا باشه، لێ رێك نه‌دایه ببنه نه‌خوشخانێ دده‌مه‌كێ دا پێدڤى ب نه‌خوشخانێ هه‌بویه.
جه‌هه‌په رادگه‌هینیت: ژیانا ده‌میرتاشى ل ستویێ حكومه‌تا توركیا دا یه، ئه‌گه‌ر بێت ودناڤ زیندانێ دا هه‌ر تشته‌ك ب سه‌ر وى بێت وته‌نانه‌ت مرنا وى ژى دزیندانێ دا ل ستویێ حكومه‌تێ دایه.
