دیجیتاڵ میدیا سپێده:
"كریستیان شیناى " نوژدارێ فه‌ره‌نسى یێ د ژیێ (98) ساڵیێ دا و هه‌تا نها ژی ژ ئه‌نجامدانا پیشه‌یا پزیشكیێ یێ به‌رده‌وامه ، كارێ وی یێ نها خۆ د نوژداریا نه‌خۆشیان و پێدانا چاره‌سه‌ریێ و ئه‌نجامدانا نشته‌رگه‌ریان بۆ نه‌خۆشان دبینیت .
كریستیان كو ل ده‌وروبه‌رێ پاریسا پایته‌ختێ فه‌ره‌نسا ، كارێ خۆ وه‌كو نوژداری ل ساڵا 1951 ده‌ستپێكر ، هه‌ر ژ وی ده‌می ژی هه‌تا نها ل كارێ نوژداریێ نه‌ڤه‌قه‌تیایه ، ره‌ت دكه‌ت ب كه‌سه‌كێ دانعه‌مر یان خانه‌نشین بهێته ناڤكرن ، چونكی زوور ب ساده‌یى حه‌ژێكرنا بۆ كارێ خۆ هه‌ی و نه‌ڤێت ژ ئه‌گه‌رێ خانه‌نشینیێ ته‌مبه‌ل بیت .
ئه‌وی نوژداری چ ئاریشه‌یه‌كا ساخله‌می نینه ، ل ده‌مێ پشكنینا نه‌خۆشان و نڤیسینا ده‌رمانان ژی به‌رچاڤكان ناكه‌ته به‌رخۆ ، ئه‌و بخۆ نوژدارێ بسپوریا تیشكێیه ، لێ حه‌زكرییه بڤه‌گه‌ریت بۆ نوژداریا گشتى .
"كریستیان شیناى " چ ئامیره‌كێ پێشكه‌فتی یێ ڤی سه‌رده‌می لده‌ڤ نینه ، بتنێ ئامیرێ (فاكس )ێ لده‌ڤ وی هه‌یه و پشت به‌ستنێ ب نڤیسینا كۆمپیوته‌ری ناگرێده‌ت ، لێ دووپات ژی دكه‌ت كو ب به‌رده‌وامى چاڤدێریا نووترین گۆڕانكاریێن زانستى یێن نوژداری دكه‌ت ، ب رێكا به‌شداریكرنێ ل گۆڤارێن نوژداری كو ب ڕێكا ئینته‌رنێتێ ب ده‌ست دگه‌هن .
ئه‌و نوژداره دبێژیت :" هه‌ژماره‌كا زوور ژ نه‌خۆشان هه‌وڵدده‌ت ژ پێخه‌مه‌ت وه‌رگرتنا سرایا سه‌ره‌دانێ ل نورینگه‌ها خۆ " ، كو كوفتییه (شۆفلى لا رۆ ) یا ده‌وره‌به‌رێ پاریسێ ، ئه‌و جهـ ژی بتنێ سێ نوژدار بخۆڤه‌گرتینه د ده‌مه‌كیدا هه‌ژمارا ئاكنجیێن وی باژێری دگه‌هیته (19) هزار كه‌سان .
نه‌خۆش ژی گه‌له‌ك زیكا دهێنه نوڕینگه‌ها (كریستیان )ێ نوژدار ل هه‌مبه‌ر نورینگه‌هێ رێزێ دگرن ، ئه‌و ژی ژئالیێ خۆڤه بتنێ (20) نه‌خۆشێن ئێكێ دبینیت ، كو ناڤێ خۆ ل نڤیسینگه‌هێ تۆماركرییه .
