دیجیتال میدیا سپێده:
د راگه‌هاندنه‌كێدا رێكخراوا لێبورینا ناڤده‌وله‌تى به‌لاڤكریه: د وان خوپیشاندانێن ب ئه‌گه‌رێ زێده‌كرنا بهایێ به‌نزینێ ل سه‌رانسه‌رى ئیرانێ سه‌رهلداین وبه‌لاڤبووین، 143 كه‌س هاتینه كوشتن.
رێكخراوا لێبورینا ناڤده‌وله‌تى راگه‌هاند: د وێ باوه‌رێ داینه ژمارا كوشتیان زێده‌تر بن، چونكى ڤه‌كولین ودویڤداچوون وێ یه‌كێ پشت راست دكه‌ن.
هه‌روه‌سا خویاكریه: دهه‌ڤدیتنان دا ئه‌و یه‌ك هاتیه پشت راستكرن كو هێزێن ئه‌منى ل سه‌ر بانێ ئاڤاهیان دهاته دیتن ل مه‌ودایه‌كێ نزیك خوپیشانده‌ر ب ئارمانج گرتینه.
د وان راپورتێن هاتینه به‌رهه‌ڤكرن ئاماژه ب وێ یه‌كێ دهێته كرن ده‌ستهه‌لاتدارێن ئیرانێ ته‌رمێ خوپیشانده‌ران نه‌دایه مالباتێن وان و ژلایێ هێزێن ئه‌منى ل نوژدارێ دادوه‌رى ده‌رخستینه وبو جهه‌كێ نه‌دیار ره‌وانه كرنه.
گه‌لێ ئیرانێ د رویێ ئابوورى دا روژانێن دژوار برێڤه‌دبه‌ن ئه‌ڤه ژى ب ئه‌گه‌رێ وان سزایێن ئه‌مریكا ب سه‌ر دا سه‌پاندین.
پشتى ل 15 چریا دوویێ دا بهایێ به‌نزینێ سێ جار هند زێده‌كرى ل پتریا باژێرێن ئیرانێ خوپیشاندانان ده‌ستپێكر، دخوپیشاندانان دا ژماره‌یه‌ك ئاڤاهیێن گشتى یێن زور ژباژێر وبانك و وێستگه‌هێن به‌نزینێ وماركێتان هاتینه وێرانكرن.
به‌رى نوكه ژى رێكخراوا لێبورینا ناڤده‌وله‌تى راگه‌هاندبوو: 115 كه‌س هاتینه كوشتن هه‌ڤده‌م ده‌ستهه‌لاتدارێن ئیرانێ كوشتنا شه‌ش كارمه‌ندێن ئاسایشێ ژى راگه‌هاندبوو.
