ديجيتال ميديا سپێده:
وەزارەتا نافخویا توركیا راگەهاند: ئەنقەرە هەمی ئەو دەستەسەركریێن داعش یێن بیانی دێ ژبو وەلاتێن وان ڤەگەرینیت، یێن ل توركیا د زیندانان دانە.
سلێمان سویلو وەزیرێ نافخویێ توركیا راگەهاند: ئەنقەرە دگەل وەلاتێن هەڤپەیمان گوتوبێژان ڤێ پرسێ كریە ودپەیوەندیێ دانە، ئاشكراكر: هەتا دوماهیا ئەڤ سالە توركیا زورینەیا رەها یا داعش دەستەسەركرینە ودێ رەوانەی وەلاتێن وان كەت.
خویاكر: هندەك وەلاتان ناسنامەیێن وان ژوەلاتیێن خو ستاندیە، ئەڤە ژی بەروڤاژی یاسا ومافێن مروڤییە و وان مافێ وێ یەكێ نینە، ناسنامەیێن وان ل وەلاتیان وەربگرنەڤە.
هه‌تا نوكە ژی ل توركیا 10 وەلاتیێن ئەلمانی، یەكێ ئەمریكی، ئێكێ بریتانی، ڤەگەراندینەڤە بو وەلاتێن وان، وبریارە ژی ژمارەیەكا ئێرلەندی وفەرەنسیان ل روژانێن بهێت دا رەوانەی وەلاتێن وان بكەنەڤە، بەری نوكە وان وەلاتیێن بیانی پەیوەندی ب رێزێن داعش كریە ل سوریا وعیراقێ، وژلایێ هێزێن ئەمنی یێن توركیا هاتینە دەستەسەركرن.
