ديجيتال ميديا سپێده:
سوپایێ ئیسرائیل راگەهاند: ب فروكێن شەری هێرش كریە سەر دەهان ئارمانجێن سەربازی یێن سەر ب ئیران وسوپایێ سوریا ل نافچەیێن جودا یێن سوریا هاتینە جێگیركرن.
پەیڤدارێ سوپایێ ئیسرائیل ئەفیخای ئەدرەعی درونكرنەكێ دا راگەهاندیە: فروكێن شەری یێن سوپایێ ئیسرائیل، دەهان ئارمانجێن سەربازی یێن سوپایێ سوریا وهێزا قودس یا سەر ب سوپایێ پاسدارێن ئیرانێ كریە ئارمانج یێن ل سوریا هاتینە جێگیركرن.
ئەدرەعی راگەهاند ژی: فروكێن شەری بنگەهێن موشەكی یێن ئاسمانی وهشكاتیێ، وفەرماندێن سەربازی وبنگەهێن سەربازی وكوگەهێن چەكی ب ئارمانج گرتینە، وئەو هێرشا ئاسمانی وەك بەرسڤدانا وان هێرشێن موشەكی بوینە یێن دوهی ل سوریا هاتینە ئاراستە كرن بو نافچەیێن ئیسرائیلی.
ژلایەكێ دیڤە ئاژانسا نوچەییا سانا یا سوریا بەلاڤكریە: فروكێن شەری یێن ئیسرائیل چەند خالەك ل دەوروبەرێ دیمەشق ب ئارمانج گرتینە، وسیستەمێ بەرەڤانیا ئاسمانیا سەر ب سوریا ژناڤبریە.
