وەکو مزگینیەک بۆ حەزژێکەرێن قەھوێ، ڤەکۆلینەکا نوو ئاشکرا کر؛ ڤەخوارنا قەھوێ یا ھاریکارە بۆ پاراستنێ ژ نەخۆشیا زھایمەرێ و خرفینێ، زێدەباری رۆلێ وێ یێ کارا بۆ راستەڤەکرنا گێولی و چێکرنا ھەستێ چالاکبوون و ھشیاریێ.
ڤەکۆلینا زانکۆیا ئەندیانا بلونگتۆن یا ئەمریکی دوپات ژی کر؛ رۆلێ قەھوێ نە ب تنێ چالاککرنا لەشێ مرۆڤی یە، بەلکو ھێزا ئەنزیمێ NMNAT2 د مێکشی دا زێدە دکەت یێ کار ل سەر شانێن کوئەندامێ دەماران دکەت و بەرھنگاریا ھەموو وان پرۆتینان دکەت یێن وەکو تابلۆیان ل سەر مێشکی کۆمڤە دبن و دبنە ئەگەرێ تووشبوونا ب زھایمەرێ.
ھەروەسا کۆمڤەبوونا روون و بەزان ل سەر مێشکی دبیتە ئەگەرێ نەخۆشیێن ب ترس یێن دەماران و گرێدایی نەخۆشیێن فالنجیبوونا لەرزۆک.
