دیجیتاڵ میدیا سپێده:
محه‌ممه‌د غه‌بانى سه‌رۆكێ كوتله‌ىا هه‌ڤپه‌یمانیا (فه‌تح ) ره‌خنه‌ىێ ل به‌رهه‌م ساڵحێ سه‌رۆككۆمارێ عێراقێ گرت ، ژبه‌ر ئه‌وێ یه‌كێ رژدبوونا خۆ نیشاندایه هه‌تا د په‌راوێزا كوپیتكا (داڤۆس) ، چاڤ ب دۆناڵد تڕه‌مپێ سه‌رۆكێ ئه‌مریكا بكه‌ڤیت ، دووپاتكرییه ژی " خوینا ئه‌بو مه‌هدى موهه‌ندیس هێشتا هشك نه‌بوویه " .
د تویته‌كێدا ل تۆڕا كۆمه‌ڵایه‌تىا تویته‌رێ ، محه‌ممه‌د غه‌بانى سه‌رۆكێ كوتله‌ىا هه‌ڤپه‌یمانیا (فه‌تح ) نڤسییه :" هوین ل كیڤه.. خودانێ شكۆیێ سه‌رۆك ، لگوری مادده‌ىێ (67) ێ ده‌ستوری ، به‌رپرساتیا پاراستنا سه‌روه‌ریا عێراقێ هه‌وه هه‌لگرت ، ئه‌ڤرۆ ژی چاڤێ هه‌وه ب تڕه‌مپێ تیرۆرست دكه‌ڤیت" .
هه‌ر د تویتێدا ئاماژه بۆ وێ یه‌كێ ژی كرییه " چه‌ندین جار تڕه‌مپی سه‌روه‌ریا ئاخا عێراقێ پێشێلكرییه و ئه‌وی سه‌ركردایه‌تیا تیرۆرێ كرییه ، كو سه‌ركه‌فتنا ل هه‌مبه‌ر داعشێ بده‌ستڤه‌ئینایه " .
لگوری راگه‌هاندنا كۆشكا سپى ، دۆناڵد تڕه‌مپێ سه‌رۆكێ ئه‌مریكا ل كوپیتكا داڤۆس ، كو ئه‌ڤرو سێ شه‌مبی (21-1-2020) ، ل سویسرا دێ ده‌ستپێكه‌ت، ب جودا چاڤ ب به‌رهه‌م ساڵحێ سه‌رۆككۆمارێ عێراقێ و نێچیرڤان بارزانى سه‌رۆكێ هه‌رێما كوردستانێ و سه‌رۆكێ چه‌ند وه‌ڵاتێن دیترێن به‌شداربووی دكه‌ڤیت .
