ديجيتال میدیا سپێده:
پەیڤدارێ حكومەتا عیراقێ راگەهاند: هیچ گهورینە بسەر خشتەیێ ڤەكێشانا هێزێن هەڤپەیمانان دا نەهاتیە وپێدڤیە هەتا دوماهیا ئەڤ سالە خو ل عیراقێ ڤەكێشن.
باسم عەوادی، پەیڤدارێ حكومەتا عیراقێ راگەهاندیە: تا نوكە خشتەیێ دەمی یێ رێكەفتنا دناڤبەرا عیراق و هێزێن هەڤپەیمانان ژبو ڤەكێشانا وان ل عیراقێ وەك خو مایە و گوت: پێدڤیە هەتا دوماهیا ئەڤ سالە هەڤپەیمان هێزێن خو ل عیراقێ ڤەكێشن.
ل هەیڤا ئەیلولا رابوری عیراق وهەڤپەیمانان رێكەفتن كریە هەتا دوماهیا 2025 ئەركێن وان ژبو بەرهنگاربوونا داعشێ بدوماهی بهێت و پاشێ ژی پەیوەندیێن خو بگهورن ژبو هاریكاریا ئەمنی.
بریارە بەشەكێ هێزێن هەڤپەیمانان ل هەرێما كوردستانێ ل بنگەهێ سەربازیێ هەریر ل هەولێرێ بێنە جێگیركرن، ئەڤە ژی ل سەر خواستا دەسەڵاتدارێن هەرێمێ و بەرهەڤی ژی دەربرییە ژبو مێڤانداریكرنا هێزێن هەڤپەیمانان.
