دیجیتال میدیا سپێده:
وەك ئێكەم هەلویستێ فەرمی، حكومەتا عیراقێ پشت راست دكەت، كو سەرەدانا ئەسعەد شەیبانی وەزیرێ دەرڤەیێ سوریا بو بەغدا، دێ بیتە هەلگرێ هێمایەكا زور.
ژلایێ خوڤە ئەسعەد شەیبانی وەزیرێ دەرڤەیێ سوریا راگەهاندیە: ژلایێ بەغدا بانگهێشتا فەرمی بو هاتیە، لدەمەكێ نێزیك دێ ل بەغدا بیت.
باسم عەوادی پەیڤدارێ حكومەتا عیراقێ ژی راگەهاندیە: هەلویستێ وەلاتێ مە لبارا سوریا یێ روهنە، گوتژی: هیچ مەرجەكێ نوی مەنیە لسەر سوریایا نوی، ئامادەینە بو ئەنجامدانا هەماهەنگیێ دگەل دیمەشقێ، رێزێ ل ئیرادا گەلێ سوریا دگرین.
عەوادی گوتژی: سەرەدانا شەیبانی بو بەغدا، دێ بیتە ئەگەرێ ڤەكرنا بەرپەرەكێ نوی یا پەیوەندیێن دناڤبەرا بەغدا و دیمەشقێ لسەر بنەمایێ هەماهەنگی و رێزگرتن و بابەتێ وەك بادەكا ئەمنی.
فوئاد حسێن وەزیرێ دەرڤەیێ عیراقێ ژی بانگهێشتا فەرمی بو ئەحمەد شەرع سەروك كومارێ سوریا هنارتیە بو بەژداریكرن ل گوپیتكا عەرەبیدا، كو بریارە ل هەیڤا ئایارا ئەڤسالە ل بەغدا برێڤەبچیت.
