دیجیتال میدیا سپێده:
گوپیتكا عەرەبی كو بریارە ل ئایارا داهاتی ل بەغدایا پایتەختێ عیراقێ برێڤەبچیت، دێ بیتە ئێكەم ئەزموونا راستەقینە بو پەیوەندیێن دناڤبەرا دەسەلاتا نها یا سوریا و حكومەتا عیراقێ، ئەڤەژی ژبەر هەلویستێ بەغدا ل هەمبەر بەژداریكرنا ئەحمەد شەرع سەرۆك كۆمارێ سوریا ل كارێن گوپیتكی دا.
بەریا نوكە بەرپرسێن عیراقێ و لایەنێن دیێن كومكارا عەرەبی ئاماژەكربوون: بەژداریكرنا سوریا ل گوپیتكا بەغدادا، هندەك ئیحراجی تێدانە، كو بەشەك ل حزب و گروپێن چەكدارێن عیراقێ یێن نێزیك ئیرانێ، حەساسیەت لسەر ڤێ پرسێ هەسە، ئەگەر سوریا بەژداریێ تێدا بكەت، ل وی دەمی دێ بیتە پابەندنەبوونا كومكارا عەرەبی ب پروتوكولێن گوپیتكێ. پێدڤیە ل گوپیتكا داهاتیا كومكارا عەرەبی ل بەغدا، ئاستێ نوێنەراتیا سوریا ل گوپیتكێدا ژلایێ دیمەشقێ بهێتە دیاركرن، نەك دەولەت مێهڤان بكەت، هەتا نوكە عیراقێ هەلویستەكێ روهن و ئاشكرا نەبویە لسەر ڤێ چەندێ. لێ چێدبیت ئەسعەد شەیبانی وەزیرێ دەرڤەیێ سوریا بەژداریێ بكەت، بڤێ ژی دێ رێكار سڤكتربن لسەر حكومەتا عیراقێ. لدەمەكی پاریل وەلاتێن عەرەبی پێشوازیێ ل گورانكاریێن سوریا كریە.
بەریا نوكە شاندەكێ هەوالگریا عیراقێ سەرەدانا دیمەشقێ كر، دگەل ئەحمەد شەرع سەروك كومارێ سوریا كومبوو. بەژداریكرنا دیمەشقێ ل گوپیتكا عەرەبیدا ل بەغدا، دێ بیتە ئەگەرێ ڤەكرنا پەیوەندیێن نوی دناڤبەرا عیراق و سوریا.
