دیجیتال میدیا سپیده:
ئەڤرو ل 28مین رۆژا رێككەفتنا ئاگربەستا دناڤبەرا بزاڤا حەماس و قەوارێ زایونیدا، گەڕا شەشێ یا لێكگهورینا ئێخسیران برێڤەچوو.
ئەڤرو ل پارێزكەها خان یونس ل ناڤەراستا كەرتی، كەتائیب قەسام دمەراسیمەكێدا سێ ئێخسیرێن زایونی دچوارچوڤێ قۆناغا ئێكێ یا رێكەفتنا تۆفانا ئەقسادا بو گەڕا شەشێ رادەستی خاچا سورا نێڤدەلەوتی كرن.
جەنگاوەرێن كەتائیب قەسام ل دەڤەرێ دا هاتبوونە بەلاڤكرن و مەراسیمێن سەربازی ئەنجامدان، نامەیێن ئارمانج گرتی ئاراستەی وەلاتێن دەڤەرێ و ئەمریكا و قەوارێ زایونی كرن.
دوهی كەتائیب قەسام ناڤێن وان سێ ئێخسیران بەلاڤكركرن، ئەڤرو ژی ب فەرمی هاتنە ئازادكرن، ل هەمبەردا 396 زیندانیێن فەلەستینی دێ هێنە ئازادكرن.
نڤیسینگەها راگەهاندنا زیندانیێن فەلەستینی بەلاڤكریە: قەوارێ زایونی ئەڤرو 36 زیندانیێن فەلەستینی دێ ئازاد كەت كو هەلگرێن سزایێن هەتا هەتایی بووینە، 333 دیژی ژئاكنجیێن كەرتێ غەززەنە، لپشتی 7ی ئوكتوبەرا 2023 وەرە هاتینە دەستەسەكرن.
ژلایێ خوڤە كەنالێ 12یێ زایونی لسەر زارێ بەرپرسێن تەلئەبیب بەلاڤكریە: دانوستانێن تایبەت ب قوناغا دوویێ یا رێككەفتنا ئاگربەستێ دناڤبەرا بنیامن نەتەنیاهۆ سەرۆك وەزیرێن قەوارێ زایونی و ستیڤن ویتكۆف نوێنەرێ ئەمریكا و بەرپرسێن مسرێ دەستپێكرینە.
