دیجیتال میدیا سپێده:
هێزێن سەر ب زێرەڤانێن سنوری یێن سەر ب وەزارەتا بەرەڤانیا سوریا چەند دەڤەر ل پشتی پێكدادان دگەل حزبولڵا لوبنانی ل نافچەیێن سنوری یێن سەر ب پارێزگەها حومس كونترولكرن.
سوپایێ سوریا ئوپەراسیونەك ل نافچەیێن سنوری یێن دناڤبەرا لوبنان و سوریا ب مەرەما بەرهنگاربوونا قاچاخچییەتا چەك و ماددێن هوشبەر و چەكدارێن حزبولڵا دەست پێكر، ئوپەراسیون چەند روژان بەردەوام بوویە، و تێدا چەكێن قورس و ناڤنجی بكارئیناینە.
دئەنجامێ ئوپەراسیونێ دا، سوپایێ سوریا چەند دەڤەرێن ستراتیژی دەست بسەردا گرتینە و شیاینە كونترولا دەڤەرێن سنوری یێن دناڤبەرا لوبنان و سوریا بكەت.
یوسف خالد، فەرماندێ ئوپەراسیونا سوپایێ سوریا راگەهاندیە: دئوپەراسیونێ دا شەش روژان ڤەكێشا، دەست ب سەر چەندین چەكاندا گرتیە و كونترولا چەند دەڤەران ژی كریەڤە و دوو چەكدارێن حزبولڵا ژی ب ئێخسیر گرتینە وچەندین چەكدار ژی ژكارخستینە.
