دیجیتال میدیا سپێده:
ل پێنجەمین روژا رێكەفتنا ئاگربەستا دناڤبەرا حەماس وئیسرائیل، بەرەڤانیا شارستانی ل كەرتێ غەززە تەرمێن 162 شەهیدان لبن داروبەرێن هەڕفتی دا دەرخستن.
سوپایێ زایونی ل وان جهێن تا نوكە دناڤ كەرتێ غەززە دا ماین ببپێكاریان ئەنجامددەن و قەناس بدەستێن وان وەلاتیێن فەلەستینی د كەرتی دا ب ئارمانج دگرن، تا نوكە ژی سێ كەس هاتینە شهید كرن، و ل سەر لێڤا دەریایێ ژی ل پارێزگەها غەززە بەلەمێن سەربازیێن زایونی تەقەكرنێ ل نێچیرڤانێن ماسیان دكەن، بڤێ ژی چەندین جارە سوپایێ زایونی بنپێكاریان ل رێكەفتنا ئاگربەستێ دا دكەن.
ل باكور و باشور و ناڤەراستا كەرتێ غەززە، تیمێن بەرەڤانیا شارستانی ل دەمێ پێنج روژێن ئاگربەستێ دا تەرمێن دەهان كەسان ل بن داروبەرێن هەرفتی دا دەرخستینە و پتریا وان ژی ئێسك و پروسكن و ناهێنە نیاسین.
بەرەڤانیا شارستانی راگەهاندیە: تا نوكە تەرمێن 162 كەسان لبن ئاڤاهیێن هەرفتی دا دەرخستینە و بەشەك ژوان هاتینە نیاسین و بەشێ هەرە زور ژی ناهێنە نیاسین ژبەر كو وەك ئێسك و پروسك ماینە، لدەمێ 470 روژێن شەرێ جینوسایدا زایونی دا ژبو سەر كەرتێ غەززە ئەو فەلەستینی وەك بەرزەبویی هاتینە تۆماركرن.
