دیجیتال میدیا سپێده:
پشتی جێبجێكرنا رێككەفتنا ئاگربەستێ، بریارە ئەڤرو زێدەتری 600 بارهەلگرێن هاریكاریێن مروڤی بچنە ناڤ غەززە و لدەمێ ئێك حەفتیدا بهێتە جێبجێكرن.
دەستەیا پەخشێ زایونی بەلاڤكریە: برێكا دەروازێ رەفەح ب رەنگەكێ سەرەكی روژانە دێ 600 بارهەلگران چنە ناڤ غەززە بو دابینكرنا پێدڤیین ئاكنجیێن كەرتی، ژوانا بابەتێن خوارن و كەلوپەلێن لوجستی و مروڤی ژخو دگریت.
ژلایەكێ دی سوپایێ زایونی لسەر فەلەستینیان قەدەغەكریە نێزیكی دەروازێ رەفەح و میحوەرێ فلادلفیا ببن. هەروەسا قەدەغەكریە لدەمێ روژێن بهێتدا خەلكێ غەززە بچنە ناڤ دەریایێ ب مەرەما نێچیرێ.
دگەل جێبجێكرنا رێككەفتنا ئاگربەستێ و لێكگهورینا ئێخسیران، ئێكەمجارە ئاكنجیێن غەززە دەست ب روژاخو بكەن بێ هەبوونا بومبارانان، كو بو دەمێ 470 روژان یا بەردەوامبوو.