دیجیتال میدیا سپێده:
ئاگرێ لۆس ئەنجلوس یێ بەردەوامە، هەتا نوكە 11 كەسان تێدا گیانێ خو ژدەستدایە.
جۆبایدن ژی دبێژیت: دیمەنێن ئاگری، زێدەتر ل گورەپانا شەری و بومبارانان دچیت.
لدور نویترین ئاماران كو دەسەلاتدارێن لوس ئەنجلوس ئاشكراكریە: هەتا نوكە 11 كەسان گیانێ خو ژدەستداینە و زێدەتری 10 هزار ئاڤاهیان ژی سوتینە، فەرمان ب 150 هزار كەسان ژی كریە مالێن خو ڤالا بكەن.
جۆ بایدن سەرۆكێ ئەمریكا ل كومبونەكێدا ل كوچكا سپی راگەهاندیە: دیمەنێن ئاگری، ب گورەپانا شەری و بومبارانان دچیت.
لدور شارەزایان، لاوازبوونا لەزاتیا بای، چێدبیت هاریكاریا تیمێن بەرەڤانیا شارستانی بدەت بو ڤەمراندنا ئاگری، كو دنوكەدا ل 5 دەڤەرێن جودا یێ چالاكە.
هەروەسا بو رێگری ل تالانكرن و دزیكرنێ، پولیسێن لوس ئەنجلوس قەدەغەیا هاتنوچونێ ل دەڤەرێن ڤالا سەپاندیە. پێگەهێ ئەكیو وێزەر دبێژیت: زیانێن ماددی یێن ئاگری دناڤبەرا 130 بو 150 ملیار دولاراندایە.