هـه‌واڵـه‌كـان وتــار بـه‌رنـامـه‌ درامـــا وه‌رزش ته‌كنه‌لۆجیا پـه‌یـوه‌نـدی ده‌ربــاره‌

مەكتەبا سیاسیا یەكگرتوو ڕاگه‌هاندنه‌ك به‌ڵاڤكر

ديجيتال ميديا سپێده‌:

مه‌كته‌با سیاسیا یه‌كگرتوویا ئیسلامیا كوردستانێ ئێكه‌م كۆمبوونا خۆ پشتی كونگره‌یێ نه‌هێ ئه‌نجامدا.

رۆژا پێنجشه‌مبی ڕێككه‌فتی 9/1/2025 مەكتەبا سیاسیا یەكگرتوویا ئیسلامیا كوردستانێ كۆمبوونا ئاسایی یا خۆ ئەنجامدا د بەلاغه‌كێدا ناڤه‌رۆكا كۆمبوونا خۆ به‌ڵاڤدكه‌ت كو ئەڤه‌ دەقێ وێیه‌:

 
بسم الله الرحمن الرحيم
بەلاغا دوماهیێ یا كۆمبوونا ئاسایی
مەكتەبی سیاسیا یەكگرتوویا ئیسلامییا كوردستانێ

ڕۆژا پێنج شەمبی ڕێككه‌فتی 9/1/2025 ب سەرۆكاتیا بەرێز مامۆستا سەڵاحەدین محەممەد بەهائەدین ئەمیندارێ گشتیێ یەكگرتوویا ئیسلامیا كوردستانێ و ب ئامادەبوونا سەرۆكێ ئەنجومەنێ سەركردایەتیێ و سەرۆكێ دەستەیا بلندا چاڤدێریێ و یاریدەدەرێ ئەمیندارێ گشتی و ئەندامێن مەكتەبا سیاسیا یەكگرتوو ئێكه‌مین كۆمبوونا ئاسایی یا خۆ ل پشتی كۆنگرەیێ نه‌هێ ل باژێرێ هەولێرێ ئەنجامدا.

ده‌ستپێكێ بەڕێز مامۆستا سەلاحەدین محەممەد بەهائەدین ئەمیندارێ گشتیێ یەكگرتوو د په‌یڤه‌كێدا سوپاسییا خودێ كر لسەر تەمامبوونا كاروبارێن كۆنگرەیێ نه‌هێ بشیێوەیەكێ سەركەفتی و پیرۆزباهی ژی ل ئەندامێن نوی یێن مەكتەبا سیاسی كر، هەروه‌سا بەرێزی دوماهی گوڕانكاری وپێشهاتێن هەرێمێ و عێراقێ و ده‌ڤه‌رێ شیكاركرن بتایبەتی ئەو گۆڕانکاریێن مه‌زن یێن ل سوریێ روویداینه‌ پشتی كه‌تنا رژێما ستەمکارا به‌رێ ، و تەئكید كرییه‌ كو پەیوەندیێن یەكگرتوو و یێن ئەمینداری ژی ب گشتی دئێخیته‌ خزمەتا چارەسەرکرن و چەسپاندنا مافێن گەلێ مه‌ ل رۆژئاڤا و درێژەدان ب پێكولێن مه‌ ژ پرۆسەیا ئاشتیێ ل تورکیا و بەرقەراركرنا ئاسایش و ئارامییا هەرێمێ و ده‌ڤه‌رێ و بدەستڤه‌ئینانا مافێن رەوایێن گەلێ كورد ، ژ پێخه‌مه‌ت وێ ژی یەکگرتوو چ دشیانێن وێدا بیت خه‌مساریێ ناكه‌ت.
 
د بەشه‌كێ دی یێ كۆمبوونێدا بەردەوامی دا ب پێكئینانا مەكتەب و مەڵبەندان و لدور وێ یه‌كێ پێشنیارێن پێدڤی ئامادەكرن بۆ ئەنجومەنێ سەركردایەتییا یەكگرتوو ب شێوەیەكی كو كەسێ ژ هه‌ژی بۆ پۆستێ ژ هه‌ژی دەستنیشان بكه‌ن.

د تەوەره‌كێ دی یێ كۆمبوونێدا پرسا مووچەو ئاریشه‌یێن دناڤبه‌را حكومەتت هەرێمێ و بەغدا به‌حس لێ هاته‌كرن و ڕژدی ل وێ یه‌كێ كر كو پێدڤییه‌ هەردوو حكومەتێن هەرێم و بەغدا له‌زێ بكەن ژ چارەسەركرنا ئاریشه‌یێن دناڤبه‌را واندا و دابینكرنا خزمەتگوزاریێن پێدڤی بۆ وه‌ڵاتیان و مووچەیێ فەرمانبەران ب شێوەیەكێ هه‌یڤانه‌ و بێێ پاشكه‌فتن و فەوتانێ دابەشبكەن.

مەكتەبا سیاسییا یەكگرتوو ڕژدی ل وێ یه‌كێ ژی كرییه‌ كو هەر چ زویه‌ دەستەیا سەرۆكاتییا پەرلەمانێ كوردستانێ بهێته‌ پێكئینان و پەرلەمان بهێته‌ كارا كرن و رۆلێ گرنگی خۆ ببینیت، هەروەسا تەئكید ل وێ هاته‌كرن كو یەكگرتوو د كابینەیا نوی یا حكومه‌تێ دا بەشدار نابیت و درێژه‌دانه‌ ب رۆڵی ئۆپۆزسیۆنا خۆ ل پەرلەمانێ كوردستانێ.

مەكتەبا سیاسیا یەكگرتوویا ئیسلامییا كوردستانێ
9/1/2025

. بابه‌تی هاوبه‌ش

نرخی دراوه‌كان

100 دۆلار
150,000 دینار
100 یۆرۆ
152,500 دینار
100 پاوه‌ند
188,800 دینار
100 لیره‌
3550 دینار
100 تمه‌ن
9.160.000 دینار