دیجیتال میدیا سپێده:
لدور چەند ژێدەرێن سیاسی یێن هایدار بریارە لدەمێ حەفتیا بهێت دا ئەسعەد شەیبانی وەزیرێ دەرڤەیێ سوریا سەرەدانا بەغدا پایتەختێ عیراقێ بكەت.
وان ژێدەران ژبو پێگەهێ جیبال راگەهاندیە: ئەسعەد شەیبانی وەزیرێ دەرڤەیێ حكومەتا نوی یا سوریا بریارە ل دەستپێكا حەفتیا بهێت سەرەدانەكا فەرمی ژبو بەغدا ئەنجامبدەت، تێدا دگەل هەڤكیڤێ خویێ عیراقی فوئادحسێنی كومببیت و هەروەسا دگەل محمد شیاع سودانی سەروك وەزیرێن عیراقێ ژی دێ كومبیت.
ئاماژە كریە: ئارمانج ل سەرەدانا شەیبانی ژبو بەغدا دووپاتكرنا ئیدارا نویا سوریایە ژبو خورتكرنا پەیوەندیێن دناڤبەرا بەغدا و دیمەشقێ لسەر ئاستێن جودا.
وان ژێدەران ئاماژەكریە: شەیبانی ل بەغدا دێ گوتوبێژان لدور هەماهەنگیێ ژبو ئاسایشا سنورێن هەڤبەش، ڤەكرنا دەروازێن فەرمی یێن دناڤبەرا هەردوو وەلاتان، هەروەسا دەستپێكرنا گەشتێن ئاسمانی و زڤراندنا چالاكیێن ئابوری وبازرگانی.
بەری نوكە ژی حەمید شەتڕی سەروكێ دەزگەهێ هەوالگریا عیراقێ سەرەدانا دیمەشقا پایتەختێ سوریا كر ودگەل ئەحمەد شەرع سەروكێ ئیدارا نوی یا سوریا كومبوو.