دیجیتال میدیا سپێده:
سپێدەهیا ئەڤرو سەروك وەزیرێن عیراقێ ب سەرەدانەكا فەرمی گەهشتە تەهرانا پایتەختێ ئیرانێ و دگەل سەروك كومارێ ڤی وەلاتی ژی كومبوو.
ژبو گوتوبێژكرنا ژمارەیەك پرسێن گرنگ، ئەڤرو محمد شیاع سودانی سەرۆك وەزیرێن عیراقێ ل تەهرانا پایتەختێ ئیرانێ دگەل بەپرسێن بلندێن ڤی وەلاتی كومدبیت.
پشتی گەهشتنا سودانی ژبو تەهران، ناڤهاتی دگەل مسعود پزیشكیان سەروك كومارێ ئیرانێ كومبوو، وتەكەزی لسەر هەماهەنگیا عیراق وئیرانێ كر دبیاڤێن ئەمنی وئابوری دا و پشتی هنگی ژی كونگرەیەكێ روژنامەڤانیێ هەڤبەش ژی گرێدا.
ژلایێ خوڤە نڤیسینگەها راگەهاندنا سروك وەزیرێن عیراقێ بەلاڤكریە: سوودانی دێ زنجیرەیەكا هەڤدیتن و كومبوونان دگەل بەرپرسێن بلندێن تەهرانێ ئەنجامدەت، و ئاشكراكریە: سودانی وبەرپرسێن ئیرانێ دێ ژمارەیەك پرسێن گرنگ گوتوبێژكەن، ژوانا ژی گرنگیدان ب پەیوەندیێن هەردوو وەلاتان و پرسێن ئەمنی و ئابووری وپێشهاتێن دەڤەرێ گوتوبێژ كەن.
